By Asbarez | Tuesday, 01 February 2011
ՈՒԱՇԻՆԿԹԸՆ.- Քոնկրեսի ընդդիմութենէն խուսափելու համար, Քոնկրեսի արձակուրդին Ատրպէյճանի մօտ Միացեալ Նահանգներու դեսպանի պաշտօնին վրայ Մեթիու Պրայզան նշանակած նախագահ Պարաք Օպամա կ՛ուզէ երկարաձգել անոր պաշտօնավարութեան ժամանակաշրջանը, կը հաղորդէ Ամերիկայի Հայ Դատի յանձնախումբը:
Արդարեւ, եթէ Ծերակոյտը մինչեւ տարեվերջ չվաւերացնէ Պրայզայի նշանակումը, ապա տակաւին Պաքու չհասած Պրայզայի պաշտօնավարութիւնը մէկ տարիէն կ՛աւարտի: Այս իրողութենէն խուսափելու համար, Օպամա դիմած է Ծերակոյտին, որ պաշտօնապէս վաւերացնէ Պրայզայի նշանակումը:
Ամերիկայի Հայ Դատի յանձնախումբի վարիչ գործավար Արամ Համբարեան ցաւ յայտնեց Օպամայի այս դիմումին համար, աւելցնելով, որ նոյնսիկ նախագահին կուսակից ծերակուտականներ դէմ են Պրայզայի նշանակման՝ նկատի ունենալով անոր որդեգրած կողմնակալ քաղաքականութիւնը:
Համբարեան յոյս կը յայտնէ, որ ծերակուտականները դէմ կը դնեն Օպամայի այս նախաձեռնութեան, որպէսզի երկրին շահերը, դիւանագիտական վարկը եւ ամերիկեան արժէքները չոտնակոխուին:
Նախագահի այս փորձերուն ընդդիմանալու նպատակով, կարելի է նամակներ յղել Սպիտակ տան կամ ծերակուտականներուն՝ այցելելով Ամերիկայի Հայ Դատի յանձնախումբի համացանցային կայքը՝ www.anca.org
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ