By Asbarez | Wednesday, 17 April 2013
ԵՐԵՒԱՆ, «Նիուզ».- Թուրքիա այցելող Ռուսիոյ արտաքին գործոց նախարար Սերկէյ Լաւրով Չորեքշաբթի, Ապրիլ 17ին հանդիպում մը ունեցած է Թուրքիոյ իր պաշտօնակից Ահմետ Տաւութօղլուի հետ, շարք մը այլ հարցերու կողքին՝ խորհրդակցելու համար նաեւ Արցախի հակամարտութեան շուրջ:
Թրքական «Պէյազ» լրատուական կայքին համաձայն՝ Ռուս-թրքական համատեղ ռազմավարական նախաձեռնութիւններու 3րդ համաժողովին մասնակցելու նպատակով Թուրքիա այցելող Լաւրով եւ Տաւութօղլուն, հանդիպումէն ետք կազմակերպուած մամլոյ ասուլիսին ընթացքին յայտարարեցին, թէ իրենք քննարկած են Մերձաւոր Արեւելքի մէջ խաղաղութեան եւ կայունութեան ապահովման համար քայլերը եւ Կովկասի իրավիճակը:
Տաւութօղլու նշեց, թէ ռուս գործընկերոջ հետ քննարկած է նաեւ Ատրպէյճանի եւ Հայաստանի միջեւ առկայ Արցախի խնդիրը: «Մենք միշտ մեծ կարեւորութիւն կու տանք Կովկասի մէջ խաղաղութեան եւ կայունութեան հաստատման», աւելցուց ան:
Իր կարգին, Լաւրով ըսաւ, թէ քննուած են նաեւ Հիւսիսային Ափրիկէի իրավիճակը, Իրանի հիւլէական ծրագիրի խնդիրը եւ Սուրիոյ իրադարձութիւնները:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ