By Asbarez | Monday, 10 August 2009
ԹԻՖԼԻՍ.- Հրաժեշտի այցով Թիֆլիս գտնուող ԱՄՆ արտաքին գործոց նախարարի տեղակալի օգնական, ԵԱՀԿի Մինսկի խումբի համանախագահ Մէթիու Պրայզա, ըստ վրացական «Կրուզիա Օնլայն» գործակալութեան, որ վկայակոչած է Վրաստանի մօտ ԱՄՆ դեսպանատան աղբիւրներ, նշանակուած է Ատրպէյճանի մօտ ԱՄՆի դեսպան:
Նշենք, որ իր անցեալի սովորութիւնը պահելով՝ Պրայզա վերստին ուզած է «յստակացնել», թէ՝ ի՛նչ կ՛ուզէր ըսել Ծաղկաձորի իր ելոյթով:
<<Ես (Ծաղկաձորի մէջ) չեմ ըսած, որ Լեռնային Ղարաբաղի շուրջ գտնուող 7 շրջաններու վերադարձով կ՛ապահովուի Ատրպէյճանի տարածքային ամբողջականութիւնը, ինչպէս կը պնդեն հայկական Զանգուածային լրատու միջոցները: Ես յայտարարած եմ, որ 7 շրջաններու վերադարձումը կ՛արտացոլացնէ Ատրպէյճանի տարածքային ամբողջականութեան սկզբունքը», ըսած է Պրայզա՝ խօսելով ատրպեճանական հեռատեսիլի կայանի թղթակիցին հետ:
Ինչ կը վերաբերի Լեռնային Ղարաբաղի ապագայ կարգավիճակին, Մէթիու Պրայզա յայտնած է, որ տարածաշրջանի բնակչութիւնը ինք պիտի որոշէ այդ հարցը:
<<Մենք առայժմ չենք գիտեր, թէ ինչո՛վ պիտի աւարտի Լեռնային Ղարաբաղի հակամարտութիւնը, սակայն հանրաքուէի կազմակերպումը պիտի ըլլայ կարգաւորման հիմնական պահերէն մէկը>>, յայտնած է Պրայզա:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ