By Asbarez | Monday, 11 April 2011
ՊՐԻՒՔՍԵԼ.- Եւրոպական խորհրդարանը երէկ՝ Ապրիլ 7ին, ձայներու ճնշող մեծամասնութեամբ ընդունած է է «Եւրոպական Հարեւանութեան Քաղաքականութեան ամփոփում» անունը կրող բանաձեւը, ուր նշուած են այն հիմնական բոլոր ուղղութիւններն ու ծրագիրները, որոնք կ՛իրականցուին Արեւելեան ուղղութեամբ:
Բանաձեւի 47րդ կէտով Եւրոպական խորհրդարանի կողմէ ԵՄ բարձրաստիճան պաշտօնեաներուն կոչ կ՛ուղղուի, հաշուի առնելով ԵՄի գործօն ներգրաւուածութիւնը Արեւելեան հարեւանութեան ծրագրին մէջ՝ անվտանգութեան վերաբերող հարցերու գծով աշխուժացնելու իրենց գործողութիւնները՝ գտնելու համար Մերձտնեսդրեան եւ Հարաւային Կովկասի ձգձգուած հակամարտութիւններու կարգաւորման ճանապարհը՝ միջազգային իրաւունքի, մասնաւորապէս՝ ուժի չկիրառման, ժողովուրդներու ինքնորոշման եւ տարածքային ամբողջականութեան սկզբունքներու հիման վրայ:
Բանաձեւի յաջորդ՝ 48րդ կէտով Եւրոպական խորհրդարանը կոչ կ՛ուղղէ հաշուի առնել գործնական նախաձեռնութիւնները եւ նորարարական մօտեցումները եւ շփումներ հաստատել չճանչցուած պետութիւններու փաստացի իշխանութիւններու (de facto authorities) եւ հասարակութիւններու հետ՝ քաղաքացիական մշակոյթին եւ տեղական համայնքի հետ երկխօսութեան աջակցելու նպատակով:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ