By Մարմարա | Tuesday, 07 June 2011
ԵՐՈՒՍԱՂԷՄ, «Մարմարա», «Հաարեց».- Իսրայէլի խորհրդարանի նախագահ Ռովեն Ռիվլին Երուսաղէմի Հայ Դատի յանձնախումբին մէկ պատուիրակութեան հետ իր ունեցած հանդիպման ընթացքին ըսած է, թէ խորհրդարանին մէջ ամէն տարի օր մը պէտք է յատկացուի՝ Հայկական Ցեղասպանութեան ոգեկոչման համար։ Ռիվլին աւելցուցած է. «Իբրեւ հրեայ մը եւ իբրեւ իսրայէլացի մը՝ իմ պարտականութիւնս կը նկատեմ ոգեկոչել ժողովուրդներու ապրած ողբերգութիւնները։ Որքան ալ կարեւոր նկատուին դիւանագիտական մտահոգութիւնները, ասիկա մեզի իրաւունք չի տար, որ ուրանանք ուրիշներու ապրած ողբերգութեամբ։
Հայկական պատուիրակութեան անդամներէն Ժորժէթ Աւագեան, այս հանդիպումէն ետք մամուլին յայտարարեց, թէ երկար ժամանակէ ի վեր այս նիւթին շուրջ շփումներ կ՛ունենային խորհրդարանի նախագահին հետ, սակայն աւելցուց, որ դժուար է ճշդել, թէ Իսրայէլի խորհրդարանը ե՞րբ պիտի հաստատէ Հայկական Ցեղասպանութեան իրողութիւնը:
Ինչպէս հաղորդած ենք, Իսրայէլի խորհրդարանը Մայիս 18ին, առաջին անգամն ըլլալով որոշած էր Հայկական Ցեղասպանութեան բանաձեւ մը փոխանցել Կրթական յանձնախումբին, ուր բանաձեւին վաւերացումը աւելի հաւանական է, քան Արտաքին յարաբերութեանց եւ պաշտպանութեան յանձնախումբին մէջ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ