By Asbarez | Monday, 11 July 2011
ՀՌՈՄ.- Իտալական AGI (Agenzia Giornalistica Italia) լրատուական գործակալութիւնը կը հաղորդէ, որ Յուլիս 5ին, Կաթողիկէ եկեղեցւոյ նստավայր Վատիկանի մէջ կայացած մամլոյ ասուլիսի մը ընթացքին, Վատիկանի գաղտնի արխիւներու դիւանապետ Սերճիօ եպիսկոպոս Փականօ յայտարարած է, թէ 2012ի Փետրուարին, Վատիկանի մէջ առաջին անգամ ըլլալով հանրութեան պիտի ցուցադրուին պատմական կարեւոր նշանակութիւն ունեցող 100 գաղտնի արխիւներ, որոնք երկար տարիներ ի պահ դրուած էին Վատիկանի գաղտնադարանի նկուղներուն մէջ:
Եպիսկոպոս Փականօ անդրադառնալով Հայկական Ցեղասպանութեան վերաբերեալ իրենց մօտ գտնուող արխիւներուն, լրագրողներուն յայտնած է, թէ իբրեւ մարդ խոր ամօթ կը զգայ պատմութեան այդ դառնաղէտ էջը յիշելով: Ան նկարագրած է նաեւ Հայկական Ցեղասպանութեան մասին կարգ մը փաստաթուղթերու մէջ արձանագրուած պատմութիւններ, որոնցմէ մէկը կը պատմէ, թէ ինչպէս յղի հայուհիներու որովայնները սուրով ճեղքելով, թուրք զինուորներ դուրս կը բերէին դեռ չծնած երեխաները եւ գրաւի գալէ ետք թէ անոնք ինչ սեռի կը պատկանին, կը սուինահարէին նորածինները:
Ցուցադրուելիք արխիւներուն մէջ պիտի ըլլան 8րդ դարէն մինչեւ 20րդ դար պատահած պատմական իրադարձութիւններու եւ դէպքերու փաստաթուղթեր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ