By Asbarez | Tuesday, 15 April 2014
ՊՈԼԻՍ, «Մարմարա».- Թուրքիոյ վարչապետ Ռեչեփ Թայիփ Էրտողան, որ շրջանային վերջին ընտրութիւններէն ետք կը շարունակէ շատ ծանր խօսքերով ասպարէզ կարդալ ընդդիմադիր նկատուած բոլոր ուժերուն, այս անգամ թիրախ դարձուցած է Սահմանադրական ատեանը, որ վերջերս իր վճիռներով զայրոյթ պատճառած է Էրտողանին։
Սահմանադրական ատեանը ապօրինի նկատած էր «Թուիթըր»ի դէմ պետական արգելքը, ինչպէս նաեւ ջնջած էր կառավարութեան կողմէ պատրաստուած եւ խորհրդարանին վաւերացուցած նոր օրէնքը, որ կը վերաբերէր Դատախազներու եւ դատաւորներու վարչութեան։
Սահմանադրական ատեանի այս երկու որոշումները լուրջ անհանգստութիւն յառաջացուցած են կառավարութեան շրջանակներէն ներս:
Այս պատճառով ալ, Էրտողան իր մէկ ճառախօսութեան ընթացքին յստակ կերպով ըսած է. «Եթէ քաղաքականութիւն պիտի ընէք, ապա իրաւագէտի ձեր պատմուճանը հանեցէք»։
Թրքական մամուլը կ՛ակնկալէ, որ Սահմանադրական ատեանի նախագահ Հաշիմ Քըլըճ մօտիկ ապագային պատասխանէ Էրտողանի այս ամբաստանութեան՝ հաւանաբար Ապրիլ 25ին, որ Սահմանադրական ատեանի հիմնադրութեան 52րդ տարեդարձն է։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
