By Asbarez | Tuesday, 22 April 2014
ՊՈԼԻՍ, «Մարմարա».- Թրքական «Թարաֆ» թերթին մէջ Իպրահիմ Սետիեանի՝ Ֆրանքֆուրթէն կը գրէ, որ 1915ի օրերուն կային քիւրտ մտաւորականներ, որոնք հրովարտակներ հրատարակելով՝ բուռն հակազդեցութիւն ցոյց տուած էին հայերու դէմ գործադրուող զուլումներուն դէմ։ Ասոնց կարգին էին շէյխ Սայիտ էֆէնտին, անոր եղբայրը՝ շէյխ Մեհտի էֆէնտին, շէյխ Ապտուլլահ էֆէնտին եւ ուրիշներ։
«Շէյխ Սայիտ էֆէնտի Բալուի կրօնապետն էր։ Ան կառավարութեան դէմ հրովարտակ մը հրատարակեց, սաստիկ հակառակեցաւ կառավարութեան կողմէ առնուած որոշումներուն եւ ըսաւ, թէ իրենց կրօնքին հակառակ է մեծ, պզտիկ, մանուկ, չափահաս բնաջնջելը։ Ան ըսաւ նաեւ, որ ճիշդ չէ այն ընդհանուր մտածողութիւնը, թէ հայ ժողովուրդի կեանքին վերջ տալը եւ անոր ինչքերուն տիրանալը «հալալ է»։ Իսլամ կրօնքին համաձայն՝ ի՛նչ ալ ըլլայ մարդ արարածին ծագումն ու ցեղային պատկանելիութիւնը՝ բոլորին կեանքը, ապրանքը ու պատիւը կառավարութեան կողմէ ապահովութեան տակ պէտք է առնուին», գրած է Սետիեանի։
Այս հրապարակումներուն համար, շէյխ Սայիտ 1915 թուականին աքսորուեցաւ։ Զայն աքսորելէ ետք է որ սկսան հայկական տեղահանութիւնները։ Թերթը կը գրէ, որ շէյխ Սայիտի կողմէ Հայկական Ցեղասպանութեան դէմ եղող հրովարտակին իսկական օրինակը ներկայիս կը գտնուի Պոլսոյ Հայոց պատրիարքարանին մէջ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ