Մայիս 1ի ցոյցերուն առիթով բախումներ Թուրքիոյ մէջ

By Asbarez | Friday, 02 May 2014

ՊՈԼԻՍ, «Մարմարա».- Թուրքիա Հինգշաբթի օր դարձեալ փորձութեան օր մը անցուց, Մայիս 1ի՝ Աշխատաւորական տօնին առիթով։ Թուրքիոյ մեծ քաղաքներուն մէջ ու մասնաւորաբար Պոլսոյ մէջ, հակառակ իշխանութիւններու զգուշացումին, անախորժ բախումներ պատահեցան ցուցարարներու եւ ոստիկաններու միջեւ։

Աշխատաւորական միութիւնները դատապարտեցին յատկապէս Թաքսիմի հրապարակին վրայ հանրահաւաք կայացնելու իրենց դիմումին մերժումը իշխանութեանց կողմէ: Իշխանութիւնները Ապրիլ 30ին յայտարարած էին, թէ արգիլուած է Թաքսիմի վրայ հանրահաւաք կատարել, սակայն արտօնած էին, որ ներկայացուցիչներու փոքրիկ պատուիրակութիւն մը Թաքսիմի հրապարակին վրայ յարգանքի ցոյց ընէ ու ծաղկեպսակ դնէ: Սակայն, Շիշլիէն եւ Պեշիկթաշէն ցուցարարներ փորձեցին քալել դէպի Թաքսիմի հրապարակ եւ դէմ յանդիման եկան ոստիկաններու արգելքին՝ բախումներ պատճառելով: Կեդրոնական հանրահաւաքը պարտադրաբար տեղի ունեցաւ Գատըգիւղի մէջ։ Թաքսիմի հրապարակը մինչեւ ուշ գիշեր փակ մնաց բոլորին առջեւ։ Պոլսոյ կուսակալութեան համաձայն՝ ոստիկանութեան հետ բախում ունենալու հետեւանքով ձերբակալուած է 142 հոգի։ Բախումներուն ընթացքին վիրաւորուած է առնուազն 90 հոգի, որոնցմէ 19ն՝ ոստիկան։ Իզմիրի մէջ եւս 30 հոգի ձերբակալուած է տօնակատարութեան ընթացքին պատահած բախումներուն հետեւանքով։

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ