By Asbarez | Wednesday, 21 May 2014
ԵՐԵՒԱՆ, «Նիուզ».– 20 Մայիսին ղարաբաղեան-ատրպէյճանական զօրքերու հանդիպման գիծի հարաւային ուղղութեամբ տեղակայուած զօրամասերէն մէկուն մարտական դիրքին վրայ պահակութիւն ըրած ատեն, հակառակորդին կողմէ արձակուած գնդակէն մահացու վէրքեր ստացած է զինուորական ծառայող, 1994 թուականի ծնունդ Արթուր Սէյրանի Օհանջանեանը:
Լեռնային Ղարաբաղի Հանրապետութեան պաշտպանութեաննախարարութիւնը հաղորդագրութեամբ մը գուժած է զինուորին մահը՝ այս ծանր կորուստին համար ցաւակցութիւն յայտնելով Արթուր Օհանջանեանի ընտանիքի անդամներուն, հարազատներուն եւ ծառայակիցներուն: Դէպքին մանրամասնութիւնները ճշդելու համար տեղի կ՛ունենայ հետաքննութիւն:
Լեռնային Ղարաբաղի նախագահ Բակօ Սահակեան նոյն օրը ստորագրած է հրամանագիր մը, որուն համաձայն, «Լեռնային Ղարաբաղի Հանրապետութեան պետական սահմանը պաշտպանելիս ցուցաբերած արիութեան համար, Լեռնային Ղարաբաղի պաշտպանութեան բանակի N զօրամասի ջոկի հրամանատար, կրտսեր սերժանտ Արթուր Օհանջանեանը յետ մահու պարգեւատրուել է «Մարտական Ծառայութիւն» մեդալով»։ Այս մասին կը տեղեկացնէ նախագահական աշխատակազմի տեղեկատուութեան գլխաւոր վարչութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ