By Նիուզ | Monday, 12 September 2011
ԵՐԵՒԱՆ, «Նիուզ».- Թրքական մամուլը հերթական անգամ ըլլալով խեղաթիւրած է աշխարհահռչակ երգիչ եւ Զուիցերիոյ մէջ Հայաստանի արտակարգ եւ լիազօր դեսպան Շարլ Ազնաւուրի խօսքերը, գրելով, որ ան «Ֆրանս 2» կայանէն սփռուող «Վիվըման Տիմանշ» յայտագիրի ընթացքին ըսած է. «Ցեղասպանութիւն բառը զիս կ՛անհանգստացնէ. պէտք է գտնել ուրիշ բառ մը»:
Եւրոպայի Հայ Դատի յանձնախումբի ատեանպետ Հիլտա Չոպոյեան այս մասին խօսելով, ըսած է. «Ամէն անգամ Թուրքիոյ եւ թուրքերու մասին խօսելու ընթացքին, Շարլ Ազնաւուր կը փորձէ չափաւոր ելոյթներ ունենալ: Այս պարագային եւս ան փորձած է զանազանութիւն մը դնել թուրք անհատներու եւ Թուրքիոյ պետութեան միջեւ: Բայց ան չէ ըսած, թէ «Ցեղասպանութիւն բառը զիս կ՛անհանգստացնէ»: Թուրքերը խեղաթիւրած են անոր խօսքերը: Ազնաւուր միայն ըսած է, որ իրեն համար ինչպէս մէկ, այնպէս եւս մէկուկէս միլիոն հայերու սպանութիւնը նոյնքան անթոյլատրելի է: Ազնաւուր նաեւ անդրադարձած է մարդկութեան դէմ գործուած այլ ոճիրներու, որոնց շարքին՝ հրէաներու ցեղասպանութեան նիւթին»:
Չոպոյեան նկատեց, որ հաւաստի է թրքական մամուլի հրապարակման միայն այն հատուածը, ուր նշուած է, որ Ազնաւուր ըսած է. «Թուրքերը մեզի ըսուածէն շատ տարբեր մարդիկ են, անոնք լաւ մարդիկ են»: Զոպոյեան նաեւ հերքեց թրքական կողմի տարածած այն տեղեկատուութիւնը, թէ Ազնաւուրի այս խօսքերը դատապարտուած են հայերու կողմէ, որոնք զայն իբրեւ թէ «ուրացող» եւ «դաւաճան» որակած են:
«Նման բան չկայ: Այդ մէկը թրքական մամուլի յերիւրանքն է», նկատեց ան: Ամփոփելով, Հիլտա Չոպոյեան ընդգծեց. «Պէտք է հաշուի առնել, որ Ազնաւուր Ֆրանսիայի մէջ քաղաքական դէմք չէ, եւ կր խօսի իբրեւ արուեստագէտ: Ան կեցուածքներ կ՛արտայայտէ, որ ընդհանրական են բոլոր արուեստագէտներու համար»:
Թրքական մամուլը նաեւ գրած է, թէ Ազնաւոր Ցեղասպանութիւն բառին տարբերակը գործածելու իր առաջարը կապած է Հայաստան-Թուրքիա սահմանը բանալու եւ թուրքերու հետ երկխօսութիւն հաստատելու հարցերուն եւ իբրեւ թէ աւելցուցած է. «Ես կ՛երազեմ Թուրքիա այցելել։ Այնտեղ եղանակը, ճաշատեսակները հրաշալի են»։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ