By Asbarez | Thursday, 29 May 2014
ՊԱՂՏԱՏ, «Ռոյթըրզ».- Անգարայի եւ Հիւսիսային Իրաքի քրտական կառավարութեան միջեւ կնքուած էր համաձայնագիր մը, որով իրաքեան քարիւղ կը ներածուի Թուրքիա։ Այս համաձայնագիրը զայրոյթ պատճառած է Իրաքի կեդրոնական իշխանութիւններուն։
Թրքական «Տեմոքրաթ Հապեր» կայքը կը գրէ, որ Պաղտատի իշխանութիւնները այս կապակցութեամբ Թուրքիոյ դէմ բողոք ներկայացուցած են Առեւտուրի միջազգային պալատին։ Իրաքի քարիւղի նախարարութեան յայտարարութեան մէջ կը նշուի, որ այս քայլով, Թուրքիա կը խախտէ այն պարտաւորութիւնները, զորս նախապէս ստանձնած էր այլ համաձայնագիրով մը։ Իրաքի վարչապետ Նուրի Մալիքիի կառավարութիւնը այս ձեւով քարիւղի վաճառքը կ՛որակէ «քարիւղի մաքսանենգութիւն»։
Յիշեցնենք, որ Թուրքիոյ ուժանիւթի նախարար Թաներ Եըլտըզ յայտարարած էր, որ Թուրքիա անցեալ շաբաթ սկսած էր Հիւսիսային Իրաքի քարիւղը արտածելու դէպի միջազգային շուկայ։ Այս յայտարարութիւնը քննադատուած էր նաեւ ամերիկեան իշխանութիւններուն կողմէ, եւ արտաքին գործոց նախարարութեան բանբեր Ճեն Փսաքի ընդգծած էր, թէ առանց Պաղտատի համաձայնութեան՝ քարիւղի արտածումը մտահոգիչ է Ամերիկայի համար։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
