Թուրքիա, Ատրպէյճան Եւ Թիւրքմէնիստան ստորագրած են Պաքուի հռչակագիրը

By Asbarez | Friday, 30 May 2014

ՊԱՔՈՒ.- Ատրպէյճանական «Թրենտ» լրատու գործակալութիւնը կը հաղորդէ, որ Մայիս 26ին, Պաքուի մէջ տեղի ունեցած է Թուրքիոյ, Ատրպէյճանի եւ Թիւրքմէնիստանի արտաքին գործոց նախարարներու հանդիպումը, որ իր ձեւաչափով առաջինն էր:

Ատրպէյճանի արտաքին գործոց նախարար Էլմար Մամետեարով յայտարարած է, որ հանդիպումին աւարտին, կողմերուն միջեւ ստորագրուած է Պաքուի հռչակագիրը: Ան նշած է, որ նախարարներու յաջորդ հանդիպումը տեղի պիտի ունենայ Աշխապատի մէջ:

Ըստ Մամետեարովի՝ երեք երկիրներուն միջեւ համագործակցութիւնը կ՛ընդգրկէ հարցերու լայն շրջանակ մը, ներառեալ՝ ուժանիւթի, զբօսաշրջութեան, մարդասիրական եւ քաղաքական: Ըստ անոր՝ երեք երկիրները մտադիր են ստեղծել նաեւ նշուած մարզերը ղեկավարող նախարարներու հանդիպումներ:

Եռակողմ այս ձեւաչափի ստեղծման մասին 2013ի վերջաւորութեան յայտարարած էր Թուրքիոյ արտաքին գործոց նախարար Ահմետ Տաւութօղլու: Ըստ ատրպէյճանական «Քոնթաքթ» կայքին՝ ձեւաչափի քննարկման առանցքը եղած է թիւրքմէնական կազին Եւրոպա տարանցման հարցը՝ Ատրպէյճանի եւ Թուրքիոյ տարածքով, որուն համար Պաքու եւ Աշխապատ պէտք է կարգաւորեն երկկողմանի յարաբերութիւնները՝ ստորգետնեայ ջրային սահմանագծման, վիճելի «Քայափազ» հանքավայրի, ինչպէս նաեւ Անդրկասպեան խողովակաշարի կառուցման հարցին մէջ:

Արդէն իսկ կը գործեն նաեւ Թուրքիա-Ատրպէյճան-Վրաստան եւ Թուրքիա-Ատրպէյճան-Իրան եռակողմ ձեւաչափերը:

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ