By Asbarez | Tuesday, 03 June 2014
ԹԵՀՐԱՆ, «Ֆարս».- Իրանի գերագոյն հոգեւոր պետ այաթոլլա Ալի Խամենէի, Քուէյթի իշխան շէյխ Սապահ Ահմետ Ճապեր Սապահի հետ Թեհրանի մէջ իր ունեցած հանդիպումին ընթացքին շեշտեց, որ Ծոցի աապահովութիւնը պիտի երաշխաւորուի շրջանի երկիրներուն միջեւ լաւ յարաբերութիւններու հաստատման միջոցով: Ան ըսաւ, որ Իրան նախանձախնդիր է իր դրացիներուն հետ լաւ յարաբերութիւններ ունենալու: Խամենէի նաեւ աւելցուց, որ շրջանի երկիրներուն միջեւ տարակարծութիւնները հասարակաց թշնամիները կ՛ուրախացնեն եւ գովեց շրջանային հարցերուն շուրջ Քուէյթի իշխանին կեցուածքները՝ զանոնք նկատելով իմաստուն ու բարեբեր:
Իր կարգին, Քուէյթի իշխանը Խամենէին նկատեց ամբողջ շրջանի հոգեւոր առաջնորդը՝ յայտարարելով, որ պատրաստ է երկու երկիրներուն միջեւ յարաբերութեանց նոր էջ մը բանալու: Քուէյթի իշխանը յոյս յայտնեց, որ Սուրիոյ հարցերը կը լուծուին սուրիացի ժողովուրդի պահանջներուն համահունչ եւ խաղաղ կերպով: Ան մատնանշեց իր երկիրին եւ Իրաքի միջեւ լաւ յարաբերութիւնները՝ շեշտելով շրջանի երկիրներուն միջեւ համախոհութեան կարեւորութիւնը:
Նշենք, որ Քուէյթի իշխանը Յունիս 1-2ին այցելեց Իրան, ուր ան նաեւ հանդիպում մը ունեցաւ նախագահ Հասան Ռոհանիի հետ: Այցելութիւնը իր տեսակին մէջ առաջինն էր 1979էն ի վեր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ