By Asbarez | Monday, 02 June 2014
ՈՒԱՇԻՆԿԹԸՆ, «Էյ.Փի.».- 28 տարեկան ամերիկացի ենթասպայ Պօուի Պըրկտալ Կիրակի, Յունիս 1ին, հարաւարեւելեան Աֆղանիստանի մէջ փոխանցուեցաւ ամերիկեան մասնայատուկ ուժերուն՝ «Թալեպան» շարժումին հետ գերիներու փոխանակման համաձայնութեան մը ծիրին մէջ: Ուաշինկթըն այդ զինուորին փոխարէն ազատ արձակեց Կուանթանամոյի արգելափակման ճամբարին մէջ գտնուող «Թալեպան» շարժումի 5 անդամներ:
Սպիտակ տունը, անմիջապէս, որոշ հանրապետական քոնկրեսականներու կողմէ քննադատութեան թիրախ դարձաւ՝ արգելափակման ճամբարէն նշեալ բանտարկեալները ազատ արձակելէն 30 օր առաջ Քոնկրեսը տեղեակ չպահելուն համար: Սակայն պաշտպանութեան նախարար Չաք Հէյկըլ ողջունեց զինուորին ազատ արձակումը:
Աֆղանիստանի նախագահ Համետ Քարզայ եւս տեղեակ պահուած է փոխանակումէն ետք միայն:
Միւս կողմէ, Քաթարի արտաքին գործոց նախարարութիւնը յայտարարեց, որ այս համաձայնութիւնը գոյացած է Քաթարի իշխանութեանց միջնորդութեամբ, իսկ Միացեալ Նահանգներու նախագահ Պարաք Օպամա յայտնեց, որ Քաթարէն ապահովական երաշխիքներ ստացած է՝ ազատ արձակուած աֆղաններուն կապակցութեամբ, որպէսզի Քաթար «միջոցառումներ որդեգրէ՝ պաշտպանելու համար մեր ազգային ապահովութիւնը»: Աֆղաններուն պիտի արգիլուի առնուազն մինչեւ մէկ տարի Քաթարէն հեռանալ:
«Մայատին» հաղորդեց, որ աֆղան բարձրաստիճան պաշտօնատար մը յայտնած է, թէ գերիներու փոխանակումը կրնայ երկրին մէջ խաղաղութեան հոլովոյթին նպաստել:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ