By Asbarez | Monday, 02 June 2014
ՌԱՄԱԼԼԱ, «Ռոյթըրզ».- Պաղեստինեան իշխանութեան նախագահ Մահմուտ Ապպասի Երկուշաբթի, Յունիս 2ին պաշտօնապէս յայտարարեց Ազգային համաձայնութեան կառավարութեան կազմութիւնը՝ պաղեստինեան «Համաս» կուսակցութեան հետ, հակառակ իսրայէլեան սպառնալիքներուն: Սակայն, Իսրայէլ կրցաւ նշեալ կառավարութեան չորս նախարարները հեռու պահել Ռամալլայէն՝ դէմ դնելով երդման արարողութեան համար Արեւմտեան Ափի մայրաքաղաք ժամանելու անոնց փորձին: Կառավարութիւնը կազմուեցաւ «Ֆաթըհ» եւ «Համաս» շարժումներուն միջեւ համաձայնութեան լոյսին տակ:
Ապպաս Շաբաթ օր պաղեստինեան դատին զօրակցող ֆրանսացիներու մէկ պատուիրակութեան առջեւ իր արտասանած խօսքին մէջ ըսած էր. «Իսրայէլացիները մեզի յայտնեցին, որ եթէ կառավարութիւն կազմենք, մեզ պոյքոթի պիտի ենթարկեն»:
Կառավարութիւնը կազմուած է ընդհանրապէս անկախ եւ մասնագէտ նախարարներէ, որոնց ընդգրկումը կրնայ դիւրացնել Արեւմուտքին եւ պաղեստինեան նոր կառավարութեան միջեւ յարաբերութիւններու կայացումը:
Իսրայէլի վարչապետ Պենիամին Նեթանիահու նախազգուշացուցած է՝ ըսելով, որ աշխարհը պէտք չէ շտապէ ճանչնալու պաղեստինցիներու կառավարութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
