By Asbarez | Monday, 02 June 2014
ԱՆԳԱՐԱ, «Ռոյթըրզ».- Շաբաթ, Մայիս 31ին, Պոլսոյ մէջ աւելի քան 120 ցուցարարներ ձերբակալուեցան, երբ ոստիկանութիւնը բիրտ կերպով միջամտեց եւ փորձեց ցրուել բողոքի ցոյցին մասնակիցները:
Ցոյցը կազմակերպուած էր՝ նշելու համար անցեալ տարուան «Կեզի» զբօսայգիի բողոքի ցոյցերուն առաջին տարեդարձը: Համեմատաբար աւելի խաղաղ ցոյց մը տեղի ունեցաւ նաեւ մայրաքաղաք Անգարայի մէջ:
Պոլսոյ ոստիկանութիւնը արցունքաբեր կազ օգտագործած է՝ ցրուելու համար ցուցարարները: Ըստ Պոլսոյ ոստիկանապետ Սելամի Աթինոքի՝ չորս ոստիկան վիրաւորուած է, ներառեալ՝ ոստիկանապետի տեղակալը:
Նախապէս, Թաքսիմի համերաշխութեան խումբը կոչ ուղղած էր զանգուածային բողոքի ցոյց մը կատարելու «Կեզի» զբօսայգիի բողոքի ցոյցերուն առաջին տարեդարձին օրը:
Թուրքիոյ վարչապետ Ռեչեփ Թայիփ Էրտողան կատարած էր յայտարարութիւն մը՝ կոչ ուղղելով չնշելու բողոքի այդ ցոյցերուն տարեդարձը:
25 հազար ոստիկան շրջապատած էր Թաքսիմի հրապարակը, որ անցեալ տարուան ցոյցերու կեդրոնը եղած էր: Այդ ցոյցերը հակակառավարական ցոյցերու վերածուած էին եւ առնուազն՝ 8 զոհ խլած:
Եւրոպական խորհուրդը դատապարտեց ցուցարարներուն դէմ թրքական ոստիկանութեան որդեգրած բռնարարքները՝ քաղաքացիներուն տարրական իրաւունքները յարգելու կոչ ընելով Անգարայի իշխանութեանց:
Ցոյցերը Կիրակի օր եւս շարունակուեցան Անգարայի մէջ, ուր ոստիկանութիւնը արցունքաբեր կազ օգտագործեց՝ ցրուելու համար ցուցարարները:
Նշենք, որ Շաբաթ օր ձերբակալուածներու շարքին էր «Սի.Էն.Էն.»ի լրագրող մը, որ ցոյցի վայրէն ուղղակի սփռումի ընթացքին թրքական ոստիկանութեան կողմէ ձերբակալուեցաւ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ