By Asbarez | Thursday, 12 June 2014
ԴԱՄԱՍԿՈՍ.- Սուրիոյ նախագահ Պաշշար Ասատ լիբանանեան «Ախպար» օրաթերթին հետ հարցազրոյցի մը ընթացքին յայտնեց, որ այժմ, աւելի քան երբեք, համոզուած է, որ սուրիացի ժողովուրդը կարողութիւնն ունի «Սուրիոյ պատմութեան այս սեւ հանգրուանը շրջանցելու»:
«Յաղթանակը անխուսափելի է, նոյնիսկ եթէ ատիկա ժամանակ պահանջէ», յայտարարեց Ասատ: Ան ըսաւ, որ նախագահական ընտրութիւնը ցոյց տուած է, որ «հակառակ քարոզչութեան, հրահրումին, հաւատադրժութեան, ահաբեկչութեան եւ արտաքին դաւադրութեան՝ մարդիկ չեն փոխուած»: Ան յայտնեց, որ Ռուսիոյ նախագահ Վլատիմիր Փութին Սուրիան պաշտպանելով ոչ միայն ուզած է հաստատել իրենց միջեւ գոյութիւն ունեցող ուժեղ դաշինքը, այլ նաեւ վերականգնել համաշխարհային համակարգի հաւասարակշռութիւնը, որ քանդուած էր Խորհրդային Միութեան քայքայումէն ետք: Ան աւելցուց, որ Իրան կը գիտակցի, թէ Սուրիոյ դէմ մղուող պատերազմը զինք եւս թիրախ կը դարձնէ, ու համոզում յայտնեց, թէ Իրան Սուրիոյ նկատմամբ իր կեցուածքը պիտի չփոխէ՝ նշելով, որ Միացեալ Նահանգներն ու Արեւմուտքը իրենք սկսած են կեցուածքի փոփոխութեան նշաններ ցոյց տալու:
Ասատ նաեւ ըսաւ, որ թրքական կեցուածքը տակաւին չէ փոխուած, սակայն ինք կը գիտակցի, որ Անգարայի ուղղութեամբ իրանեան շարժումը չի կրնար Թուրքիոյ կողմէ ահաբեկչութեան աջակցութիւնը անտեսել:
Սուրիոյ նախագահը եզրակացուց ըսելով. «Երկխօսութիւնը, երկխօսութեան մշակոյթը, մարդիկ ուրիշներու հետ երկխօսելու վարժեցնելը ներկայ հանգրուանի խորագիրը պիտի ըլլայ: Երկխօսութիւնը իմ երրորդ նստաշրջանիս հիմնաքարն է»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
