By Asbarez | Friday, 13 June 2014
ՊԱՔՈՒ, «Էյ.Փի.Էյ.».- Միացեալ Նահանգներու Քոնկրեսի Եւրոպայի ապահովութեան եւ համագործակցութեան յանձնաժողովին մէջ, որ յայտնի է նաեւ Հելսինքիի յանձնաժողով անունով, Չորեքշաբթի, Յունիս 11ին տեղի ունեցած է ամերիկա-ատրպէյճանական յարաբերութիւններուն նուիրուած խորհրդակցութիւններ:
Խորհրդակցութեանց մասնակցած է Միացեալ Նահանգներու արտաքին գործոց նախարարի տեղակալի Եւրոպայի ու Եւրասիոյ հարցերով օգնական Էրիք Ռուպըն:
Իր ելոյթին ընթացքին, Ռուպըն նշած է, որ Ամերիկա, իբրեւ ԵԱՀԿ Մինսկի խմբակը համանախագահող երկիրներէն մէկը, իր կարելին կ՛ընէ Արցախի հակամարտութեան կարգաւորման համար:
«Յոյս ունինք, որ Հայաստանի եւ Ատրպէյճանի նախագահները կը համաձայնին հանդիպելու մօտիկ ապագային, անցեալ տարուան Նոյեմբերի գագաթնաժողովին սկսած կառուցողական երկխօսութիւնը շարունակելու համար», յայտարարած է ան:
«Կը կարծեմ, որ կարելի է յառաջխաղացք ապահովել: Այժմ մեր նպատակն է յառաջիկայ ամիսներուն կազմակերպել նախագահներուն միջեւ հանդիպումը: Ես լաւատես եմ այդ առումով», աւելցուցած է Ռուպըն:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ