By Asbarez | Tuesday, 17 June 2014
ՌԱՄԱԼԼԱ, «Ռոյթըրզ».- Իսրայէլեան ուժերը Երկուշաբթի, Յունիս 16ին շարունակեցին ձերբակալել «Համաս»ի գործիչներն ու ականաւոր դէմքերը, առեւանգուած երեք իսրայէլացի պատանիներու փնտռտուքին ընթացքին: Կը հաղորդուի, որ իսրայէլեան կառավարութիւնը այժմ կը քննէ որդեգրումը շարք մը միջոցառումներու, ներառեալ՝ «Համաս»ի ղեկավարներու Կազա վտարումը:
Հրէական կրօնական դպրոցի մը երեք ուսանողներ, անցած շաբաթավերջին անհետացած էին պաղեստինեան Հեպրոն քաղաքին մօտ: Իսրայէլացի մեծաթիւ զինուորներ փնտռտուքի հսկայական արշաւի մը ձեռնարկած են եւ կարգ մը շրջաններու մէջ տուն առ տուն խուզարկութիւն կը կատարեն: Անոնք աւելի քան 150 պաղեստինցի ձերբակալած են, ներառեալ՝ պաղեստինեան խորհրդարանի 10 անդամներ:
Իսրայէլի վարչապետ Պենիամին Նեթանիահու առեւանգումին համար «Համաս»ը ամբաստանեց, սակայն այդ առնչութեամբ որեւէ փաստ չներկայացուց: Ան ըսաւ, որ Պաղեստինեան իշխանութեան նախագահ Մահմուտ Ապպաս եւս պատասխանատու է առեւանգումին՝ պնդելով, որ պաղեստինեան Ազգային համաձայնական կառավարութեան կազմութիւնը առեւանգումին համար յարմար մթնոլորտ ստեղծած էր:
Այս առթիւ, Նեթանիահու Ապպասի հետ ունեցաւ հեռաձայնային զրոյց մը, որուն ընթացքին Ապպասէն խնդրեց առեւանգեալներու փնտռտուքին եւ զանոնք առեւանգողներու ձերբակալման օժանդակել: Ապպաս, իր կարգին դատապարտեց երեք իսրայէլացիներու առեւանգումը, սակայն նոյն ատեն դատապարտեց «իսրայէլեան իրերայաջորդ ոտնձգութիւնները»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
