By Asbarez | Monday, 23 June 2014
ՊԱՂՏԱՏ.- Ամերիկայի Միացեալ Նահանգներու արտաքին գորոց նախարար Ճան Քերի Երկուշաբթի, 23 Յունիսին, Պաղտատի մէջ քաղաքական կարեւոր դէմքերու հետ իր ունեցած հանդիպումներէն ետք յայտարարեց, թէ Ամերիկա պատրաստ է հզօր աջակցութիւն ցուցաբերելու Իրաքի կառավարութեան՝ «Սուրիոյ եւ Շամի Իսլամական հանրապետութիւն» անունով հռչակուած զինեալ ահաբեկիչներուն դէմ անոր պայքարին մէջ:
Նշենք, որ ահաբեկիչները անցեալ օրերուն իրենց հակակշիռին տակ առած են առաւել մեծ շրջաններ՝ Իրաքի հիւսիսային եւ արեւմտեան գօտիներէն, նաեւ գրաւած են Սուրիոյ եւ Յորդանանի հետ Իրաքի սահմանային բոլոր անցակէտերը: Իսկ իրաքեան բանակը կորսնցուցած է իր հակակշիռը Թալ Աֆարի ռազմավարական նշանակութիւն ունեցող օդակայանին վրայ:
Նշենք, թէ Քերի, Երկուշաբթի օր, Պաղտատի մէջ հանդիպեցաւ վարչապետ Նուրի Մալիքիին, ինչպէս նաեւ շիա եւ սիւննի համայնքներու ղեկավարներուն հետ:
«Ամերիկայի աջակցութեամբ, իրաքեան ապահովական ուժերը պիտի կարենան աւելի ազդու կերպով դիմակայել (ահաբեկիչները) եւ տէր կանգնիլ Իրաքի գերիշխանութեան», յայտարարեց Քերի՝ աւելցնելով. «Իրաքի գոյութիւնն իսկ սպառնալիքի տակ է, եւ անոր ղեկավարները պէտք է դիմագրաւեն այս վտանգը: Իրաքի ապագան կախեալ է այն որոշումներէն, որոնք պիտի առնուին յառաջիկայ օրերուն, եւ Իրաքի ղեկավարներու կարողութենէն՝ միացեալ դիրքորոշումով դէմ կանգնելու (ահաբեկիչներուն)»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ