By Asbarez | Monday, 26 September 2011
ՊԱՔՈՒ.- Ատրպեճանական «Էյ.Փի.Էյ.» լրատու գործակալութիւնը կը հաղորդէ, որ Ատրպէյճանի արտաքին գործոց նախարար Էլմար Մամետեարով Նիւ Եորքի մէջ, ՄԱԿի Ընդհանուր ժողովի 66րդ նստաշրջանի ծիրէն ներս, հանդիպում մը ունեցած է Ուրուկուէյի արտաքին գործոց նախարար Լուիս Ալմակրոյի հետ։
Մամետեարով Ալմակրոյի հետ քննած է ղարաբաղեան հակամարտութեան կարգաւորման գործընթացը։ Ուրուկուէյի արտաքին գործոց նախարարը յայտնած է, որ իր երկիրը կը յարգէ միջազգային իրաւունքի արժեչափերն ու սկզբունքները եւ կը զօրակցի ղարաբաղեան հակամարտութեան միջազգային իրաւունքի հիմամբ կարգաւորման։
Նշենք, որ մօտաւորապէս երկու շաբաթ առաջ, Ուրուկուէյի արտաքին գործոց նախարարը աննախադէպ յայտարարութիւն մը կատարած էր Լեռնային Ղարաբաղի տագնապին առնչութեամբ։ Ան ըսած էր, որ Ուրուկուէյ կ՛ուսումնասիրէ հարցը՝ անոր մասին պետական տեսակէտ յայտնելու համար: Ան աւելցուցած էր, թէ տագնապին լաւագոյն լուծումն է Լեռնային Ղարաբաղը կցել Հայաստանին, կամ՝ ընդնուիլ անոր անկախութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
