By Asbarez | Thursday, 03 July 2014
Հայկական Ցեղասպանութեան Ալմելոյի յուշարձանը
ԱՄՍԹԵՐՏԱՄ.- Հոլանտահայ կազմակերպութիւններու դաշնակցութիւնը կը հաղորդէ, որ Հոլանտայի Օվերէյսվլ նահանգի խորհրդարանը, Յուլիս 2ին կայացած իր նիստին ընթացքին ընդունեց բանաձեւ մը, որով արտայայտուած է խորհրդարանի դիրքորոշումը անցեալ ամիս տեղի ունեցած թրքական կազմակերպութիւններու բողոքի ցոյցին հանդէպ, որ ուղղուած էր Ալմելոյի հայկական եկեղեցւոյ բակին մէջ տեղադրուած Հայկական Ցեղասպանութեան յուշարձանին դէմ: Այդ ցոյցին ընթացքին, հայ ժողովուրդի հասցէին եղած են վիրաւորական արտայայտութիւններ եւ կոպիտ ձեւով հերքուած է Հայկական Ցեղասպանութիւնը:
Յուլիս 2ի բանաձեւը, որ ներկայացուած էր Քրիստոնէական միութիւն (CU), Բարեփոխուած քաղաքական կուսակցութիւն (SGP), Ազատութեան կուսակցութիւն (PVV) եւ Քրիստոնեայ ժողովրդավարական կոչ (CDA) խմբակցութիւններու պատգամաւորներուն կողմէ, կը վկայակոչէ 1915-1918 Օսմանեան կայսրութեան մէջ 1.5 միլիոն քաղաքացիներու (հայերու, ասորիներու եւ Պոնտոսի յոյներու) ջարդերը:
Բանաձեւը կոչ կ՛ընէ վերջ տալու Ցեղասպանութիւնը ժխտողներու բողոքի ցոյցերուն եւ կը յայտնէ, որ նահանգը կ՛ընդունի Հայկական Ցեղասպանութիւնը՝ ակնարկելով այդ մասին Հոլանտայի խորհրդարանին կողմէ 2004ին վաւերացուած բանաձեւին:
Նշենք, որ Հոլանտայի Հայ Դատի յանձնախումբը անցեալ շաբաթ երկիրի իրաւապահ մարմիններուն բողոք ներկայացուցած էր թրքական կազմակերպութիւններուն կատարած բողոքի ցոյցին դէմ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
