By Asbarez | Monday, 07 July 2014
ԵՐԵՒԱՆ, «Նիուզ».- Ատրպէյճանի նախագահ Իլհամ Ալիեւ դեսպաններուն հրահանգներ փոխանցած է՝ «ղարաբաղեան հարցին ուղղութեամբ» առնուելիք քայլերուն կապակցութեամբ։
Ատրպէյճանական լրատուամիջոցները կը յայտնեն, որ Ալիեւ այս հրահանգները տուած է Պաքուի մէջ կայացող Ատրպէյճանի դիւանագիտական ծառայութիւններու ղեկավարներուն հինգերորդ խորհրդակցութեան ընթացքին:
Ըստ նախագահի աշխատակազմի պետի տեղակալ, արտաքին յարաբերութեանց բաժինի վարիչ Նովրուզ Մամետովի՝ հանդիպման մասնակցած նախագահ Իլհամ Ալիեւ իր ելոյթին 30 վայրկեանը նուիրած է ղարաբաղեան հիմնախնդիրին:
«Իլհամ Ալիեւ ընդգծած է, որ ղարաբաղեան հիմնախնդիրը ՄԱԿի Ապահովութեան խորհուրդի եւ այլ միջազգային կազմակերպութիւններու ուշադրութեան կեդրոնը կը մնայ», յայտնած է Մամետով, աւելցնելով, որ ըստ Ալիեւի՝ հիմնախնդիրը «պէտք է լուծուի Ատրպէյճանի տարածքային ամբողջականութեան շրջանակէն ներս»:
Յիշեցնենք, որ Լեռնային Ղարաբաղը երբեք ընդգրկուած չէ եղած անկախ Ատրպէյճանի կազմին մէջ, այդպիսով՝ ԼՂՀի ինքնորոշումը չի հակասեր Ատրպէյճանի տարածքային ամբողջականութեան:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ