By Asbarez | Wednesday, 09 July 2014
ԿԱԶԱ, «Էյ.Փի.».- Իսրայէլեան բանակը Չորեքշաբթի, Յուլիս 9ին Կազայի դէմ իր գործողութիւններուն նոր թափ տուաւ եւ անոր օդուժն ու ծովուժը շարունակեց ռմբակոծումները՝ պատճառելով տասնեակներով զոհեր ու վիրաւորներ:
Կազայի մէջ առողջապահութեան նախարարութիւնը յայտարարեց, որ իսրայէլեան յարձակումին պատճառով, Չորեքշաբթի օր արձանագրուած զոհերուն թիւը 24ի հասած է, իսկ վիրաւորներունը՝ 200ի: Մէկ օր առաջ 23 պաղեստինցիներ սպաննուած էին իսրայէլեան ռմբակոծումներուն հետեւանքով։
Իսրայէլ Չորեքշաբթի օր նաեւ խոստացաւ յառաջիկայ քանի մը օրուան ընթացքին պաղեստինեան «Համաս»ին դէմ ճակատամարտի դաշտը ընդարձակել:
Իսրայէլեան ձայնասփիւռի կայանը հաղորդեց, որ Կազայէն արձակուած հրթիռներ ինկած են Արեւմտեան Նեկեւի մէջ: Կազայէն հինգ հրթիռներ արձակուած են նաեւ Երուսաղէմի եւ Թել Աւիւի ուղղութեամբ:
Անոնց մէկ մասը օդին մէջ չէզոքացուած է իսրայէլեան հակաօդայիններու կողմէ, իսկ միւսները միայն նիւթական վնասներ պատճառած են։
Պաղեստինեան «Քասսամի ջոկատներ»ը յայտարարեց, որ իր անդամներէն բաղկացած մասնայատուկ ուժ մը, ծովու ճամբով, Յուլիս 8ին ներխուժած է Աշքելոնի մէջ իսրայէլեան ծովուժին պատկանող ռազմակայան մը, ինչպէս նաեւ 10 հրթիռներով ռմբակոծած է ռազմակայանները: Յարձակումներուն հետեւանքով սպաննուած են 5 պաղեստինցիներ:
Մինչ Ուաշինկթըն եւ ՄԱԿ դատապարտեցին Կազայէն Իսրայէլի դէմ կատարուած հրթիռարձակումները, Եգիպտոսի արտաքին գործոց նախարարութիւնը Իսրայէլին կոչ ուղղեց Կազայի դէմ գործողութիւնները դադրեցնելու եւ ինքնազսպում ցուցաբերելու։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
