By Asbarez | Thursday, 10 July 2014
ԵՐԵՒԱՆ, «Ազատութիւն».– Լեռնային Ղարաբաղի պաշտպանութեան բանակը 10 Յուլիսին հաստատած է, որ ատրպէյճանական կողմը անգամ մը եւս ներթափանցման փորձ կատարած է՝ այս անգամ Քարվաճառի ուղղութեամբ:
Պաշտօնական տեղեկատուութեան համաձայն՝ Ղարաբաղի պաշտպանութեան բանակի առաջապահ զօրամասերուն կողմէ ձեռնարկուած ազդու գործողութիւններուն իբրեւ արդիւնք՝ հակառակորդին հետախուզական–ներթափանցող խումբը ժամանակին յայտնաբերուած է, անդամներուն մէկ մասը ձերբակալուած է, միւսները դիմած են փախուստի: Ղարաբաղի պաշտպանութեան բանակը տեղեկացուցած է, որ համապատասխան գործողութիւններուն իբրեւ արդիւնք՝ հայկական կողմը կորուստներ չէ տուած:
Մամուլը նաեւ տեղեկութիւններ փոխանցած է այն մասին, որ Վարդենիսի մէջ նախանցեալ օր խուճապային իրավիճակ կը տիրէր, քանի որ տեղւոյն բնակիչները լուրեր ստացած էին յարձակումին մասին: Մարդիկ մտահոգ էին, որ ներթափանցում կատարել փորձող ատրպէյճանական խումբը կրնայ հասնիլ Վարդենիս:
Սակայն 10 Յուլիսին Հայաստանի պաշտպանութեան նախարարի խօսնակ Արծրուն Յովհաննիսեան «Ազատութիւն» ձայնասփիւռի կայանին հետ ունեցած զրոյցին ընթացքին հաստատած է, որ Վարդենիսի ուղղութեամբ յարձակում չէ կատարուած:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ