By Asbarez | Thursday, 17 July 2014
ԵՐԵՒԱՆ, «Արմէնփրէս».- Անցեալ տարուան Ապրիլին, սաստիկ անձրեւներու պատճառով Ուրֆայի 1200ամեայ ամրոցի պատնէշի փլուզուած մասը վերակառուցելու նպատակով թուրք «մասնագէտներ»ու՝ Յունուարին սկսած աշխատանքները արժանացած են ուրֆացիներու հակաղդեցութեան:
Ըստ թրքական «Ռատիքալ» թերթին՝ պատնէշի ամբողջական վերականգնումը նախատեսուած էր Օգոստոսին. նախագիծին համաձայն՝ հոն պէտք է օգտագործուէին պատի նախկին քարերը։ Սակայն, աշխատանքները իրագործող ընկերութիւնը որոշած է պատի վերականգնման համար չօգտագործել նախկին քարերը, այլ պարզապէս սպիտակ պատ կառուցել:
Այդ խայտառակութիւնը չէ վրիպած նաեւ Ուրֆա այցելող զբօսաշրջիկներու ուշադրութենէն: Թուրք «մասնագէտներ»ը իրենց այդ «յայտնագործութիւնը» հիմնաւորած են անով, որ ժամանակի ընթացքին իրենց կառուցելիք պատը պիտի «ստանայ պատմական պատի գոյնը», սակայն յստակ է, որ տեղի ունեցածը թուրքերուն կողմէ հայկական պատմական կառոյցները աղաւաղելու եւ պղծելու հերթական արարք մըն է։
Ուրֆայի ամրոցի պատերը կառուցուած են հայկական թագաւորութեան օրերուն, մօտաւորապէս 812 թուականին: Ամրոցը կառուցուած էր արաբական ասպատակութիւններէն պաշտպանուելու համար:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
