By Asbarez | Friday, 18 July 2014
ԿԱԶԱ, «Ռոյթըրզ».- Հինգշաբթի, Յուլիս 17ի երեկոյեան, Իսրայէլ ցամաքային նոր յարձակումի ձեռնարկեց Կազայի վրայ՝ քայլ մը, որ կը սպառնայ բազմապատկել մօտաւորապէս երկու շաբաթ առաջ սկսած զինուորական գործողութեանց մարդկային զոհերու թիւը։
Արդարեւ, Ուրբաթ օր առնուազն 20 պաղեստինցիներ եւ իսրայէլացի զինուոր մը սպաննուեցան՝ ընդհանուր զոհերու թիւը հասցնելով 276ի։ Պաղեստինցի զոհերուն մօտաւորապէս 20 տոկոսը երեխայ էր։
Իսրայէլեան բանակը Կազայի հիւսիսային եւ արեւելեան սահամններէն Կազա մուտք գործեց հրասայլերով եւ զրահապատ կառքերով՝ յառաջանալով դէպի Պէյթ Լահիա, իսրայէլեան ռազմական օդանաւերու հսկողութեան տակ։ Ելեկտրականութիւնը խզուած է եւ հեռաձայնի կապերը անջատուած են։
Պաղեստինեան «Համաս» կազմակերպութիւնը յայտարարեց, թէ ամէնուրեք ծանր դիմադրութիւն ցոյց պիտի տայ Իսրայէլի յարձակումներուն։
Նշենք, որ ցամաքային ներխուժումէն առաջ կատարուած իսրայէլեան ռմբակոծումներուն հետեւանքով, Կազայի մէջ քանդուած են հարիւրաւոր բնակարաններ, մզկիթներ եւ դպրոցներ, ինչպէս նաեւ աւելի քան 14,000 շէնքեր վնաս կրած են։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ