By Asbarez | Friday, 18 July 2014
ՄԱԿ, «Ռոյթըրզ».- Արտակարգ նիստէ մը ետք, ՄԱԿի Ապահովութեան խորհուրդը Ուրբաթ, Յուլիս 18ին կոչ ըրաւ «ամբողջական եւ անկախ միջազգային հետաքննութիւն» մը կատարելու մէկ օր առաջ Ուքրանիոյ մէջ ջախջախուած Մալեզիական օդանաւային ընկերութեան պատկանող ճամբորդական օդանաւին հարցով, մինչ Ուքրանիոյ իշխանութիւնները եւ արեւելեան Ուքրանիան իրենց հակակշիռին տակ պահող ռուսամէտ ուժերը կը շարունակէին զիրար ամբաստանել։
ՄԱԿի Ապահովութեան խորհուրդի նիստին ընթացքին, ՄԱԿի մօտ Միացեալ Նահանգներու դեսպան Սըմենթա Փաուըր յայտնեց, թէ փաստերը ցոյց կու տան, որ օդանաւը զգետնուած է արեւելեան Ուքրանիայէն արձակուած հրթիռով մը։
298 ճամբորդներ եւ անձնակազմը փոխադրող օդանաւին գծով, Ռուսիոյ օդային փոխադրամիջոցներու դաշնակցային գործակալութենէն աղբիւր մը «Ինթըրֆաքս»ին յայտնեց, թէ օդանաւը վար առած հակաօդային հրթիռին բուն թիրախը կրնայ ըլլալ Ռուսիոյ նախագահ Վլատիմիր Փութինը Պրազիլէն Մոսկուա փոխադրող օդանաւն էր, որովհետեւ երկու օդանաւերը Վարշաւայի մօտ նոյն կէտէն անցած են, իրարու շատ նման են, նոյն գոյնը ունին եւ հեռուէն դժուար է զանոնք զանազանել, իսկ անոնց միջեւ հեռաւորութիւնը շատ փոքր եղած է:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
