By Asbarez | Friday, 25 July 2014
ԵՐԵՒԱՆ, «Արմէնփրէս».– Իրաքի եւ Շամի իսլամական պետութիւն (ՏԱԵՇ) կոչուող սիւննի ահաբեկչական խմբաւորումը Մուսուլի մէջ հայկական եկեղեցւոյ վրայէն վար առած է խաչը եւ եկեղեցին վերածած է կազմակերպութեան քարոզչական կեդրոնի: Այս լուրը կը փոխանցէ թրքական «Media365» լրատուական կայքը:
Զինեալները հայկական եկեղեցւոյ խաչին տեղ տեղադրած են խմբաւորման դրօշակը:
Կայքին համաձայն՝ զինեալները ֆաթուա (կրօնական հրովարտակ) հրապարակած են՝ պահանջելով իրենց վերահսկողութեան տակ գտնուող 11-46 տարեկան մօտ 4 միլիոն կիներն ու աղջիկները բռնի թլփատել։ «Իսլամական պետութեան» քաղաքներուն մէջ արգիլուած է ծխախոտ եւ կլկլակ ծխելը, բոլոր սրճարանները փակ են, կիները նախընտրելի է որ իրենց տուներէն դուրս չգան, իսկ գալու պարագային՝ անպայման պէտք է լաչակ կրեն։
Թրքական լրատուամիջոցները նաեւ յայտնած էին, որ ՏԱԵՇի զինեալները Մուսուլի մէջ պայթեցուցած են Եունուս մարգարէի դամբարանը, որ շիիներուն սրբավայր է: Իսլամական սիւննի ահաբեկիչները շիիներու բազմաթիւ սրբավայրեր պղծած են նաեւ իրենց գրաւած Թելաֆեր եւ Քերքուկ քաղաքներուն մէջ: Եունուս մարգարէի դամբարանի աւերումը իրաքցիներուն բուռն հակազդեցութեան պատճառ դարձած է: Դամբարանը, որ կը ծառայէր որպէս մզկիթ, կառուցուած է 134 թուականին (հըժրա) եւ զբօսաշրջիկներու այցելութեան վայր էր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ