Եւրոպական Միութիւնը յաւելեալ պատժամիջոցներու կը ձեռնարկէ Ռուսիոյ տնտեսութեան դէմ

By Asbarez | Tuesday, 29 July 2014

ՊՐԻՒՔՍԷԼ.- Եւրոպական Միութիւնը Երեքշաբթի օր յաւելեալ պատիժներ տնօրինեց՝ հարուածելու Ռուսիոյ տնտեսութիւնը:

Ուքրանիոյ դէմ Ռուսիոյ գործողութիւններուն, յատկապէս՝ Ուքրանիոյ անջատողականներուն զէնք ու զինամթերք մատակարելուն իբրեւ հակազդեցութիւն, Եւրոպական Միութիւնը նոր պատժամիջոցներ ճշդեց, հարուածելու համար այդ երկրի տնտեսութիւնը, յատկապէս թիրախ ունենալով քարիւղի, ռազմական սարքերու եւ արհեստագիտութեան ոլորտները:

Ռուսական դրամատուներուն տրուած վարկերուն վրայ եւս խիստ սահմանափակումներ դրուեցան:

Ռուսիոյ դէմ յաւելեալ պատժամիջոցներ տնօրինելու ընթացքի մէջ է նաեւ Ամերիկայի Միացեալ Նահանգները: Նախագահ Պարաք Օպամա Երեքշաբթի երեկոյեան պիտի հրապարակէր նոր պատժամիջոցները, որոնց շարքին, մեծ հաւանականութեամբ, պիտի ըլլան ռուսական երեք մեծ դրամատուներու՝ «Վէ.Թէ.Պէ.»ի, «Ռոսկոլխոզպանք» գիւղատնտեսական դրամատան եւ «Մոսկուա» դրամատան դէմ պատժամիջոցներ՝ խստացնելով անոնց տրուած վարկերու պայմանները:
Ամերիկայի արտաքին գործոց նախարար Ճան Քերի Երեքշաբթի օր Ռուսիոյ եւ անջատողական ուժերուն կոչ ուղղեց թոյլ տալու, որ միջազգային մասնագէտներու մատչելի դարձնել այն տարածքը, ուր ինկած էր մալեզիական քաղաքացիական օդանաւը:

Միւս կողմէ, Ուքրանական ուժերը կը շարունակեն իրենց յարձակումը Տոնեցքի վրայ: Թէժ կռիւներու պատճառով ուքրանացի տասը զինուոր եւ 24 քաղաքացի սպաննուած էին:

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ