«Էրտողան պաշտպան կը կանգնի Տինքի սպանութեան դերակատարներուն». Ֆեթհիյէ Չեթին

By Asbarez | Tuesday, 05 August 2014

ՊՈԼԻՍ, «Մարմարա».- Հրանդ Տինքի սպանութեան դատավարութեան մէջ նոր փոթորիկ մը ծագած է վարչապետ Ռեչեփ Թայիփ Էրտողանի կողմէ յայտնուած կարծիքի մը հետեւանքով։ Վարչապետ Էրտողան ըսած էր, թէ Հրանդ Տինք սպաննուած էր իր կարծիքներուն պատճառով, եւ աւելցուցած, թէ անոր սպանութեան խնդիրը անհատական բնոյթ ունէր եւ սխալ պիտի ըլլայ ատոր ետին փնտռել ոճրագործներու աւելի լայն կազմակերպութիւն մը։ Այս յայատարարութիւնը շատերու ականջին խորթ հնչեց։

Հրանդ Տինքի սպանութեան դատավարութեան փաստաբաններէն Ֆեթհիյէ Չեթին, «Ճիհան Հապեր» լրատու գործակալութեան հարցումներուն պատասխանելով՝ շատ խիստ քննադատեց վարչապետին վերոյիշեալ յայտարարութիւնը եւ ըսաւ, որ Էրտողան նախապէս իր ըսածներուն ճիշդ հակառակը ըսելու սկսած է հիմա եւ այս կերպով պաշտպան կը կանգնի սպանութեան մէջ դերակատարութիւն ունեցողներուն։

Չեթին նաեւ ըսաւ, որ Էրտողան ինքզինք կը հակասէ՝ անտեսելով «Էրկենեքոն»ի հարցով ձերբակալուած եւ հիմա ազատ արձակուած դէմքերը, որոնք դերակատարութիւն ունին Հրանդ Տինքի սպանութեան մէջ։ Ըստ Չեթինի՝ Էրտողան այս կերպով 180 աստիճան ետդարձ մը ըրած է։ Ան մէկ կողմէ սկսած է պաշտպանելու բուն պատասխանատուները, միւս կողմէ՝ դէմ եկած է Թուրքիոյ քրէական օրէնքին, որովհետեւ իր յայտարարութիւնը կրնայ ազդել դատարանի որոշումին վրայ։

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ