Իսրայէլեան բանակը պատրաստ վիճակի մէջ է բռնագրաւեալ Կոլանի մէջ

By Asbarez | Wednesday, 27 August 2014

ԹԵԼ ԱՒԻՒ, «Ռոյթըրզ».- Չորերքշաբթի, Օգոստոս 27ին, իսրայէլեան լրատուամիջոցներ հաղորդեցին, որ իսլայէլեան բանակը պատրաստ վիճակի մէջ դրուած է բռնագրաւեալ Կոլանի շրջանը, երբ Քնէյթրա քաղաքին մէջ Սուրիոյ բանակին եւ զինեալ ընդդիմութեան միջեւ բախումները սաստկացած են։

Շրջանի հրեայ հողագործներուն հրամայուած է Սուրիոյ սահմանակից արտերէն հեռանալ. նաեւ, քաղաքայիններու վերապահուած բազմաթիւ հրապարակային վայրեր փակուած են։ Իսրայէլացի զինուոր մը վիրաւորուած է, երբ իր դիրքին մօտ ռումբ մը ինկած է։ Ցարդ յստակ չէ, թէ այդ ռումբի արձակումը դիտաւորեա՞լ էր, թէ անիկա ընթացող բախումներուն պատճառով սխալմամբ հոն ինկած է։

Իսրայէլեան բանակը հակադարձելով արձակուած ռումբերուն՝ ռմբակոծած է Սուրիոյ բանակին պատկանող դիրք մը։ Իսրայէլեան պատկերասփիւռի 2րդ կայանը հաղորդեց, որ սուրիական զինեալ ընդդիմութիւնը կը փորձէ գրաւել Քնէյթրայի մէջ սահմանային անցքը, որուն պատճառով ալ քաղաքին մէջ բուռն բախումներ տեղի կ՛ունենան։

«Ետիոթ Ահրոնոթ»ը նշեց, որ բախումներուն պատճառով՝ Կոլանի սահմանի իսրայէլեան կողմին վրայ հրդեհ ծագած է։

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ