Քալիֆորնիոյ նահանգային ծերակոյտը վաւերացուց ցեղասպանութեան դասաւանդման բանաձեւը

By Asbarez | Wednesday, 27 August 2014

Ատրին Նազարեան

ՍԱՔՐԱՄԵՆԹՕ.- Արեւմտեան Ամերիկայի Հայ Դատի յանձնախումբը կը հաղորդէ, որ Քալիֆորնիոյ նահանգային Ծերակոյտը Երեքշաբթի, Օգոստոս 26ի երեկոյեան, միաձայնութեամբ (36-0) վաւերացուցած է Հայկական Ցեղասպանութեան դասաւանդման առնչուող «AB 1915» բանաձեւը։

Քեւըն Տէ Լէոն

Արեւմտեան Ամերիկայի Հայ Դատի յանձնախումբի ատենապետ Նորա Յովսէփեան դրուատեց Ծերակոյտին որոշումը՝ շնորհակալութիւն յայտնելով յատկապէս ծերակուտականներ Քեւըն Տէ Լէոնի ու Մարք Ուիլընտի, ինչպէս նաեւ Քալիֆորնիոյ խորհրդարանի անդամներ Ատրին Նազարեանի եւ Խաչօ Աշաճեանի։

Յայտնենք, թէ Քալիֆորնիոյ խորհրդարանը եւս միաձայնութեամբ (77-0) վաւերացուցած էր երեսփոխան Ատրին Նազարեանի եւ Խաչօ Աշաճեանի համահեղինակած բանաձեւը, որ կը պահանջէ Հայկական Ցեղասպանութեան դասանիւթը ներառել պետական վարժարաններու 7-12 դասարաններու ընկերային գիտութեանց նիւթի դասաւանդութեանց մէջ, ինչպէս նաեւ կոչ կ՛ընէ Քալիֆորնիոյ կրթական նախարարութեան, որ Հայկական Ցեղասպանութեան մասին հրատարակութիւններ կատարէ եւ դասաւանդման յատուկ նիւթեր պատրաստէ:

Քալիֆորնիոյ Ծերակոյտի Կրթական հարցերու յանձնախումբը Յունիս 18ին վաւերացուց բանաձեւը, որ նաեւ կը քաջալերէ կրթական մարզի պատասխանատուները՝ մարդկային իրաւանց վերաբերող նիւթեր դասաւանդելու ընթացքին ներառելու բանաւոր պատմութիւններ՝ Ողջակիզումէն, Հայկական Ցեղասպանութենէն, ինչպէս նաեւ Քամպոտիոյ, Տարֆուրի եւ Ռուանտայի ցեղասպանութիւններէն վերապրողներու յուշերէն:

Հայկական Ցեղասպանութեան դասաւանդման ծրագիրը իրենց դպրոցական կրթական ծրագիրներուն մէջ ներառած են Ամերիկայի 11 նահանգներ՝ Քալիֆորնիա, Ճորճիա, Իլինոյ, Քենսըս, Մեսեչուսեց, Մինիսոթա, Նիւ Ճըրզի, Նիւ Եորք, Օհայօ, Ռոտ Այլընտ եւ Վըրճինիա:

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ