By Asbarez | Tuesday, 02 September 2014
ՄՈՍԿՈՒԱ.- «Վրեմիա» կը հաղորդէ, որ ՄԱԿի ընդհանուր քարտուղար Պան Քի Մուն, դիմելով արեւմտեան երկիրներու ղեկավարութեան՝ ըսած է, որ Ուքրանիոյ ճգնաժամը ռազմական լուծում չունի։ «Քաղաքական լուծման համար հարկաւոր է քաղաքական երկխօսութիւն. ատիկա աւելի ողջամիտ ճանապարհ է», յայտարարած է ան՝ աւելցնելով, որ մտահոգ է Ուքրանիոյ մէջ տեղի ունեցող իրադարձութիւններով, որոնք «կը զարգանան՝ վերածուելով քաոսային եւ վտանգաւոր իրավիճակի»։ «Ասիկա կրնայ ունենալ մինչեւ իսկ համաշխարհային հետեւանքներ։ Ճիշդ այդ պատճառով ալ ես կը դիմեմ ուքրանական եւ ռուսական իշխանութիւններուն՝ առաջարկելով հարցը լուծել խաղաղ ճանապարհով՝ երկխօսութեան միջոցով», ըսած է ան։
Իր կարգին, Ուքրանիոյ վարչապետ Արսէնի Եացենիուք գրած է, որ Ռուսիոյ նախագահ Վլատիմիր Փութին մտադիր է լայնածաւալ պատերազմ հրահրել, որպէսզի վերականգնէ Խորհրդային Միութիւնը։
Միւս կողմէ, «ՌԻԱ Նովոսթի»ն կը հաղորդէ, որ Քրեմլին մեկնաբանած է Փութինի մէկ օր առաջ արտասանած այն արտայայտութիւնը, որ, եթէ փափաքի՝ երկու շաբաթէն կրնայ գրաւել Քիեւը։ Այս խօսքը բացայայտած էր Եւրոյանձնաժողովի նախագահ Ժոզէ Մանուէլ Պարոսօն, որուն հետ հեռաձայնային զրոյց մը ունեցած էր Փութին։
Վերջինս այդպէս արտայայտուած է, երբ Պարոսօն հարց տուած էր, թէ Ուքրանիոյ մէջ ռուսական զօրք հաստատուա՞ծ է։ Փութինի օգնական Եուրի Ուշաքով յայտնած է, որ այդ արտայայտութիւնը դուրս բերուած է իր պարունակէն, միաժամանակ՝ քննադատելով Պարոսոյի վարմունքը՝ դիւանագիտութեան մարզի անգիր կանոններէն դուրս գործելուն համար։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ