By Asbarez | Wednesday, 03 September 2014
ՄՈՍԿՈՒԱ.- «Կազեթա.ռու» կը գրէ, որ «Իսլամական պետութիւն»ը սեւ շուկայի վրայ քարիւղ վաճառելով՝ օրական միջին հաշուով երեք միլիոն տոլարի շահ կ՛ապահովէ։
Վերջին ամիսներուն, իսլամ ծայրայեղական զինեալները յաջողած են գրաւել քանի մը քարիւղի հանքեր Սուրիոյ եւ Իրաքի տարածքին։ Վերլուծաբանները կը պնդեն, թէ անոնք հում քարիւղը կը վաճառեն միջազգային արժէքէն շուրջ երկու անգամ ցած գինով։
ՄԱԿի Ապահովութեան խորհուրդը զգուշացուցած է պետութիւնները ահաբեկչական խմբաւորման հետ քարիւղի առեւտուրով չզբաղելէ, եւ սպառնացած է պատժամիջոցներ կիրարկել այն երկիրներու դէմ, որոնք ներքաշուած են այդ առեւտուրին մէջ։
«Այժմ «Իսլամական պետութիւն»ը կը փորձէ ձեւաւորել ինքնաբաւ պետութիւն ու դրամագլուխ, եւ քարիւղի արդիւնահանումը այդ նպատակին հասնելու ճամբուն մէկ մասը կը կազմէ», նշած է փորձագէտներէն մէկը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
