By Asbarez | Friday, 05 September 2014
ՊԱՔՈՒ.- Իր տեղեկութիւնները քաղելով Ատրպէյճանի նախագահի պաշտօնական կայքէն՝ ատրպէյճանական «Էյ.Փի.Էյ.» լրատու գործակալութիւնը կը հաղորդէ, որ ՆԱԹՕի գերաստիճանի բացման մասնակցած է նաեւ նախագահ Իլհամ Ալիեւը:
Ալիեւ նաեւ հանդէս եկած է ելոյթով մը՝ պնդելով, որ Ատրպէյճան եւ ՆԱԹՕի գործընկերութեան 20 տարիներուն ընթացքին Ատրպէյճան կրցած է փաստել, թէ վստահելի գործընկեր մըն է:
«Ատրպէյճան կարեւոր դեր կը խաղայ տարածաշրջանի ապահովութեան եւ կայունութեան մէջ, իսկ տարածաշրջանային ապահովութեան ամենամեծ սպառնալիքը կը հանդիսանայ Հայաստանի վարած յարձակողապաշտ քաղաքականութիւնը, որ բռնագրաւուած կը պահէ Ատրպէյճանի տարածքին 20 տոկոսը՝ Լեռնային Ղարաբաղը եւ յարակից 7 շրջանները», կրկնած է Ալիեւ՝ ՆԱԹՕի բեմը շահագործելով ապատեղեկատուական իր արշաւին համար:
Ալիեւ դարձեալ ընդգծած է, որ հակամարտութիւնը պէտք է լուծուի միջազգային իրաւունքի ծիրէն ներս՝ Ատրպէյճանի տարածքային ամբողջականութիւնը յարգելու պայմանով:
«Մենք բարձր կը գնահատենք ՆԱԹՕի դիրքորոշումը այս հարցին մէջ: Նախորդ գերաստիճաններու ընթացքին, ՆԱԹՕ լիակատար աջակցութիւն ցուցաբերած է Ատրպէյճանի տարածքային ամբողջականութեան եւ ինքնիշխանութեան իրաւունքին: Մենք կը հաւատանք, որ ՆԱԹՕն պիտի շարունակէ հաւատարիմ մնալ միջազգային իրաւունքին», աւելցուցած է Ալիեւ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ