By Asbarez | Monday, 08 September 2014
ՊԱՔՈՒ, «Արմռետիօ».- Ատրպէյճանի արտաքին գործոց նախարար Էլմար Մամետեարով Սեպտեմբեր 8ին յայտարարած է, որ Ուաշինկթըն Արցախի հարցով ամբողջական համաձայնագիրի ուղղութեամբ աշխատելու համար յստակ առաջարկ ներկայացուցած է։
Կալեսի մէջ տեղի ունեցած Սարգսեան-Ալիեւ հանդիպման ակնարկելով՝ Մամետեարով ըսած է, որ Միացեալ Նահանգներու արտաքին գործոց նախարար Ճան Քերի այդ հանդիպման ընթացքին ուզած է իմանալ, թէ ի՞նչ քայլերու պէտք է դիմէ իր երկիրը՝ ղարաբաղեան հակամարտութիւնը կարգաւորելու նպատակով:
«Քերին նշեց, որ եկած է ամբողջական խաղաղութեան պայմանագիրի շուրջ աշխատելու ժամանակը», ըսած է Մամետեարով՝ ըստ ատրպէյճանական «Էյ.Փի.Էյ.» լրատու գործակալութեան: Նախարարը նաեւ տեղեկացուցած է, որ այս ամսուան ընթացքին ԵԱՀԿ Մինսկի խմբակի ամերիկացի համանախագահ Ճէյմզ Ուորլիք կրնայ տարածաշրջան այցելել, իսկ Նիւ Եորքի մէջ, ՄԱԿի Ընդհանուր ժողովի շրջանակներուն մէջ հանդիպում մը կրնայ ունենալ Հայաստանի իր պաշտօնակիցին հետ:
«Պէտք չէ հանդիպիլ՝ պարզապէս հանդիպելու համար։ Անհրաժեշտ է քննարկել յստակ հարցեր: Գլխաւոր խնդիրը հայկական զինուժի ներկայութիւնն է ատրպէյճանական տարածքներուն մէջ։ Այդ վտանգաւոր փաստին հետ Ատրպէյճան երբե՛ք պիտի չհամակերպի», ըսած է ան:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ