By Asbarez | Wednesday, 08 October 2014
ԵՐԵՒԱՆ.– 8 Հոկտեմբերին Մայր աթոռ Սուրբ Էջմիածինի մէջ Մայր աթոռի դիւանապետ Արշակ եպս. Խաչատրեան ընդունեց Էջմիածին քաղաքի տօնի առիթով Հայաստան ժամանած Էջմիածինի քոյր քաղաքներ Փետրոզաւոտսքի (Ռուսիա), Ֆրեզնոյի (Միացեալ Նահանգներ) եւ Իսի-լէ-Մուլինոյի (Ֆրանսա) ներկայացուցիչները՝ ընկերակցութեամբ Էջմիածինի քաղաքապետ Կարէն Գրիգորեանի:
Ողջունելով հիւրերուն Հայաստան այցելութիւնը եւ անոնց մասնակցութիւնը քաղաքի 2699ամեակին առիթով կազմակերպուած տօնակատարութիւններուն՝ Արշակ սրբազանը Էջմիածինի քոյր քաղաքներու ներկայացուցիչներուն փոխանցեց Ամենայն հայոց Գարեգին Բ. կաթողիկոսին օրհնութիւնն ու բարեմաղթանքները:
Մայր աթոռի դիւանապետը ուրախութեամբ հաստատեց, որ Էջմիածինի տօնը արդէն իսկ բարի աւանդութիւն դարձած է եւ այդ առիթով շնորհաւորեց ներկաները՝ կարեւոր նկատելով քոյր քաղաքներու միջեւ սերտացող կապերն ու գործակցութիւնը տարբեր ոլորտներու մէջ: Սրբազան հայրը անդրադարձաւ նաեւ քաղաքային իշխանութիւններուն եւ Մայր աթոռին միջեւ առկայ ջերմ փոխյարաբերութիւններուն:
Հանդիպման ընթացքին խօսուեցան նաեւ Հայոց Ցեղասպանութեան 100ամեակին առիթով քոյր քաղաքներուն կողմէ ծրագրուող միացեալ նախաձեռնութիւններուն մասին:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
