By Asbarez | Friday, 10 October 2014
Հայ Դատի ներկայացուցիչները Մենենտեզի(կեդրոնը)հետ
ԼՈՍ ԱՆՃԵԼԸՍ.- Արեւմտեան Ամերիկայի Հայ Դատի յանձնախումբի անդամները այս շաբթուան ընթացքին խորհրդակցութիւններ ունեցած են Ծերակոյտի եւ Ներկայացուցիչներու տան Արտաքին յարաբերութեանց յանձնախումբերու ատենապետներ Ռապըրթ Մենենտեզի եւ Էտ Ռոյսի հետ, քննելու համար Սուրիոյ եւ Իրաքի հայութեան մտահոգիչ կացութիւնը՝ «Իսլամական պետութիւն» կոչուող կազմակերպութեան յառաջխաղացքին, Թուրքիա-Ամերիկա լարուած յարաբերութեանց ու Միջին Արեւելքի տարածքին տիրող անկայուն իրավիճակի լոյսին տակ։
Մենենտեզի եւ Ռոյսի հետ կայացած անջատ հանդիպումներուն ընթացքին, Հայ Դատի ներկայացուցիչները խօսած են մասնաւորապէս Սուրիոյ եւ Իրաքի հայութեան եւ ընդհանրապէս փոքրամասնութեանց դիմագրաւած դժուարութեանց մասին, ինչպէս նաեւ շեշտած են Սպիտակ տան կողմէ Հայկական Ցեղասպանութեան յստակ ճանաչումը ապահովելու կարեւորութիւնը՝ հարիւրամեակի նախօրեակին Ուաշինկթընը հեռացնելով Թուրքիոյ ուրացման քաղաքականութեան մեղսակից մը ըլլալու աննախանձելի վիճակէն։ Շեշտուած է նաեւ Թուրքիոյ կողմէ բռնագրաւուած եկեղեցիներու վերադարձը ապահովեու, Արցախի ապահովութիւնը երաշխաւորելու եւ Ամերիկա-Հայաստան յարաբերութիւնները բարելաւելու կարեւորութիւնը։
Հայ դատի ներկայացուցիչները Ռոյսի (կեդրոնը) գրասենեակին մէջ
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ