By Asbarez | Saturday, 18 October 2014
ԴԱՄԱՍԿՈՍ, «Ռոյթըրզ».- Սուրիոյ արտաքին գործոց նախարարութիւնը հաղորդագրութիւն մը հրապարակելով՝ յայտարարեց. «Սուրիական հողերուն վրայ ապահովական գօտիներ ստեղծելու թրքական փորձերը ՄԱԿի սկզբունքներուն եւ նպատակներուն յստակ խախտումներ են: Սուրիա կտրուկ կերպով կը մերժէ որեւէ պատրուակով սուրիական հողերու որեւէ մասին վրայ ապահովական գօտիներու ստեղծումը, ինչպէս նաեւ կը մերժէ իր հողերուն վրայ օտար ուժերու որեւէ թշնամական միջամտութիւն»:
Նախարարութիւնը նաեւ ընդգծեց. «Սուրիա իր բարեկամներուն հետ խորհրդակցաբար պիտի որդեգրէ իր ազգային գերիշխանութիւնը, հողերուն միութիւնն ու աապահովութիւնը երաշխաւորելու առումով անհրաժեշտ բոլոր միջոցառումները»:
Իր կարգին, «Մարմարա» կը հաղորդէ, որ Թուրքիոյ վարչապետ Ահմետ Տաւութօղլու դիտել տուած է, որ Թուրքիա կը փափաքի նման ապահովութեան գօտի մը, որ պիտի ընդգրկէ Քոպանին, ինչպէս նաեւ՝ Իտլիպը, Հասաքէն, Ճարապլուսը, եւ Հալէպ ու Լաթաքիա նահանգներու հիւսիսային շրջանները։ Ան այս յայտարարութիւնը կատարած է «Ճազիրա» կայանին հետ հարցազրոյցի մը ընթացքին։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ