By Asbarez | Friday, 17 October 2014
ԼՈՆՏՈՆ, «Ռոյթըրզ».- Բրիտանիոյ խորհրդարանը 274 թեր եւ 12 դէմ քուէներով այս շաբթուան սկիզբը վաւերացուցած էր բրիտանական կառավարութեան համար ոչ պարտադիր որոշում մը, որ իբրեւ անկախ պետութիւն կը ճանչնայ Պաղեստինը, նպաստելու համար Պաղեստին-Իսրայէլ տագնապին՝ երկու պետութեանց հիմամբ լուծումի մը բանակցութեանց։
Պաղեստինի արտաքին գործոց նախարար Ռիատ Մալիքի կոչ ըրաւ, որ Բրիտանիոյ կառավարութիւնը յարգէ խորհրդարանի որոշումը՝ նոյնիսկ եթէ ատիկա պարտադիր չէ, անմիջապէս յայտարարելով, որ մտադիր է Պաղեստինի պետութիւնը ճանչնալ: Ան խորհրդարանի որոշումը նկատեց «քաջարի»՝ նկատի ունենալով զայն ձախողութեան մատնելու նպատակով խորհրդարանին վրայ բանեցուած ճնշումները:
Իսրայէլի մէջ Բրիտանիոյ դեսպան Մեթիու Կոլտ յայտնեց. «Այս քայլը ցոյց կու տայ, որ Բրիտանիոյ հանրային կարծիքին մօտ փոփոխութիւն արձանագրուած է», եւ այդ իրողութեան հետ հաշուի նստելու համար, Իսրայէլ պէտք է դադրեցնէ պաղեստինեան գրաւեալ հեղերուն վրայ ապօրինի բնակեցման վայրերու կառուցումը:
Իսրայէլ քննադատած է խորհրդարանի քայլը՝ զայն «խաղաղութեան առիթները արգելակող» քայլ նկատելով, իսկ ընդդիմութեան ղեկավար Իցհաք Հերցոկ քուէարկութեան արդիւնքը Իսրայէլի կառավարութեան համար «յաւելեալ մէկ ձախողութիւն» որակած է:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
