By Asbarez | Tuesday, 21 October 2014
ՊՈԼԻՍ, «Մարմարա».- Թրքական «Սթար» թերթը իր Երկուշաբթի, Հոկտեմբեր 20ի թիւով, Հայկական Ցեղասպանութեան հարիւրամեակին հետ կապուած նոր մօտեցումներ կ՛առաջարկէ ու իշխանութիւններուն խորհուրդ կու տայ՝ առանց Ցեղասպանութիւնը ճանչնալու՝ «հայերուն ընդառաջ» քայլեր առնել։ Յօդուածին մէջ կ՛առաջարկուի, որ իշխանութիւնները իրենց «ուշադրութեան տակ պահեն» Թուրքիոյ մէջ առժամաբար ապաստանած հայաստանցիները եւ վերակառուցեն Անին։ Կը նշուի նաեւ, որ Թուրքիոյ մասին միջազգային հանրութեան տպաւորութիւնը բարելաւելու համար, կարելի է «շարունակական քայլեր առնել՝ առանց ճանչնալու Ցեղասպանութիւնը»։ Յօդուածի համաձայն՝ ատիկա կարելի է ընել երկու ուղղութիւններով։ Նախ՝ պէտք է կարելիութիւններ ստեղծել այն հայաստանցիներուն համար, որոնք աշխատելու նպատակով առժամաբար Թուրքիա եկած են։ Երկրորդ ուղղութիւնը կը վերաբերի Հայաստանի միջնադարեան մայրաքաղաք Անիին։ «Անին հայերու հաւատքի կեդրոններէն մէկն է։ Անին մեզի համար ալ կարեւոր է։ Դարերու ընթացքին այդ մայրաքաղաքը աւերակ դարձած է։ Կը գտնուի Հայաստանի հետ սահմանին վրայ։ Աղթամար եկեղեցւոյ օրինակով, Թուրքիան շատ կարճ ժամանակի մէջ, միջազգային խորհրդատուներու եւ ընկերութիւններու մասնակցութեամբ, պէտք է վերակառուցանէ Անին։ Վերակենդանացումէն ետք, քաղաքը բաց պէտք է ըլլայ հայերու համար։ Հոն երթալու եւ իրենց հոգեւոր արժէքները տեսնելու համար, հայերէն մուտքի արտօնագիր կամ անձնագիր պէտք չէ պահանջուի», կը նշէ «Սթար»։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
