By Asbarez | Tuesday, 28 October 2014
ԵՐԵՒԱՆ, «Արմէնփրէս».- Թուրքիոյ վարչապետ Ահմետ Տաւութօղլու անդրադարձած է պոլսահայ յայտնի լրագրող Էթիէն Մահճուպեանը իր գլխաւոր խորհրդականը նշանակելու հարցին, որ քննարկման նիւթ դարձած է թրքական ազգայնական շրջանակներուն մէջ:
Տաւութօղլու ըսած է. «Էթիէն Մահճուպեանը խորհրդական նշանակած եմ ոչ թէ անոր հայկական ինքնութեան համար, այլ անոր համար, որ ան իսկական մտաւորական է եւ իրապէս խիղճի տէր մարդ է: Ան պիտի ըլլայ հանրապետութեան պատմութեան մէջ պետական համակարգի բարձրաստիճան պաշտօն ստացած անձերէն մէկը»:
Ան աւելցուցած է, որ այդ նշանակումը պէտք է դիտել իբրեւ Թուրքիոյ «բարենորոգման գործընթացին» մէջ առնուած քայլ մը:
Ըստ անոր՝ քրտական հարցի լուծման ու հաշտութեան գործընթացին մէջ միայն քրտական հարցը չէ, որ կը քննարկուի: «Նախապէս, ասորիները, հայերը, ուղղափառ յոյներն ու ալաուիները իրեն հաւանական սպառնալիք կը տեսնէր պետութիւնը։ Պետութիւնը հարկադրուած է հաշտուելու բոլոր նշեալներուն հետ», ըսած է թուրք վարչապետը:
Մահճուպեանի նշանակումը խստօրէն քննադատած է այսպէս կոչուած՝ «Հայկական անհիմն պնդումներու դէմ կազմակերպութիւն»ը, իսկ ազգայնամոլ այդ կազմակերպութեան ղեկավար Կէօքսել Կիւլպէյ կոչ ըրած է Տաւութօղլուին, որ «ունքը դարմանելու փոխարէն՝ աչքն ալ չհանել» եւ հրաժարիլ որոշումէն:
64ամեայ Մահճուպեան Թուրքիոյ մէջ առաջին ոչ իսլամն է, որ նման բարձր պաշտօնի վրայ կը նշանակուի:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ