By Asbarez | Friday, 31 October 2014
ԵՐԵՒԱՆ, «Նիուզ».- Լոնտոնի «Կոմիտաս» հիմնարկի տնօրէն Արա Սարաֆեան յայտարարած է, թէ Պիթլիսի նահանգապետ Օրհան Էօզթուրք ցարդ չէ հաստատած Պիթլիսի քաղաքապետարանին վաւերացուցած՝ քաղաքի փողոցներէն մէկը ամերկահայ յայտնի գրող Ուիլեըմ Սարոյեանի անունով կոչելու որոշումը:
Ըստ «Ակօս»ի՝ Սարաֆեան նշած է, թէ նահանգապետը դէմ է Պիթլիսի մէջ Սարոյեանի անունով փողոց մը ունենալու գաղափարին՝ պնդելով, թէ Սարոյեան որեւէ կապ չունի Պիթլիսի հետ: Արա Սարաֆեան շեշտած է, թէ այս տեղեկութիւնը իրեն փոխանցած է Պիթլիսի քաղաքապետը:
Աւելի ուշ, Պիթլիսի քաղաքապետ Նեւին Տաշտեմիր Տաղքըրան պնդած է, թէ ինք նման տեղեկութիւն չէ փոխանցած Սարաֆեանին՝ աւելցնելով, որ նահանգապետէն փողոցի անուան հետ կապուած որեւէ առարկութիւն չէ տեսած: Ըստ անոր՝ փողոցին անունը փոխելու համար, անհրաժեշտ է բացի քրտամէտ Խաղաղութիւն եւ ժողովրդավարութիւն կուսակցութեան անդամներէն՝ նաեւ իշխող կուսակցութեան անդամի մը ձայնը:
Նշենք, որ Պիթլիսի քաղաքապետարանը այս տարուան Օգոստոսին որոշած էր Սարոյեանի անունով կոչել Պիթլիսի այն փողոցը, ուր ապրած էր Սարոյեանի ընտանիքը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ