By Asbarez | Monday, 03 November 2014
ՏՈՆԵՑՔ, «Ռոյթըրզ».- Կիրակի, Նոյեմբեր 2ին, արեւելեան Ուքրանիոյ Տոնեցքի ժողովրդային հանրապետութեան եւ Լուհանսքի ժողովրդային հանրապետութեան մէջ տեղի ունեցան նախագահական եւ խորհրդարանական ընտրութիւններ, որոնք Արեւմուտքին կողմէ «ապօրինի» հռչակուեցան: Ուքրանիան, Միացեալ Նահանգները եւ Եւրոպական Միութիւնը յայտարարեցին, որ ընտրութեանց արդիւնքները պիտի չճանչնան, սակայն Ռուսիա ամբողջական զօրակցութիւն յայտնեց ընտրութիւններուն:
Երկու շրջաններու ղեկավարները կը յայտնեն, որ իբրեւ անկախ պետութիւններ՝ իրենք պարտաւոր չեն ուքրանական օրէնքը յարգելու, եւ այդ պատճառով ալ չէին մասնակցած անցեալ շաբաթ Ուքրանիոյ մէջ տեղի ունեցած խորհրդարանական ընտրութիւններուն:
Կը նախատեսուի, որ Տոնեցքի վարչապետ Ալեքսանտր Զախարչենքօ դառնայ Տոնեցքի հանրապետութեան նախագահ, իսկ, ըստ ռուսական լրատուամիջոցներուն՝ Լուհանսքի մէջ յաղթանակ արձանագրած է Իկոր Փլոթնիցքի:
Միւս կողմէ, Ռուսիա եւ Ուքրանիա, Եւրոպական Միութեան միջնորդութեամբ համաձայնագիր ստորագրած են՝ Ուքրանիոյ ռուսական կազի մատակարարումը վերսկսելու շուրջ: Ռուսիոյ ուժանիւթի նախարար Ալեքսանտր Նովաք Պրիւքսէլի մէջ յայտարարած է, որ Քիեւ պիտի սկսի վառելանիւթ ստանալու՝ «Կազփրոմ» ընկերութեան իր պարտքին առաջին մասի վճարումը կատարելէն ետք: Ըստ անոր՝ մինչեւ տարուան վերջը, Ուքրանիան պէտք է շուրջ երեք միլիառ տոլար վճարում կատարէ: Ուքրանիոյ ուժանիւթի նախարար Եուրի Փրոտա ըսած է, որ Քիեւ համապատասխան միջոցներ ունի: Եւրոմիութիւնը իր կարգին խոստացած է Քիեւին աջակցութիւն տրամադրել:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ