By Asbarez | Thursday, 06 November 2014
ՊԷՅՐՈՒԹ, «Ազդակ».- Սէուտական Արաբիա եւ Ֆրանսա Չորեքշաբթի, Նոյեմբեր 5ին ստորագրեցին համաձայնագիր մը, որուն հիման վրայ լիբանանեան բանակին երեք միլիառ տոլարի զինուորական օժանդակութիւն պիտի տրամադրուի:
Նշենք, որ անցեալ Դեկտեմբերին Ռիատի կողմէ լիբանանեան բանակը զինելու առումով յայտարարուած օժանդակութիւնը պիտի տրամադրուի Ֆրանսայի հետ գործակցաբար:
«Ա.Էֆ.Փէ.» լրատու գործակալութեան համաձայն՝ վերոնշեալ համաձայնագիրը ստորագրած են Սէուտական Արաբիոյ ելեւմուտքի նախարար Իպրահիմ Ասսաֆ եւ զէնքի արտածման ֆրանսական «Օտայս» ընկերութեան տնօրէն Էտուար Կիօ:
Համաձայնագիրի ստորագրութեան ներկայ գտնուած է լիբանանեան բանակի հրամանատար զօր. Ժան Քահուաժի, որ չբացայայտեց, թէ ի՛նչ տեսակի զէնքեր պիտի ստանայ բանակը:
Ֆրանսական աղբիւրներ յայտնեցին, որ ամիսներէ ի վեր պատրաստուող համաձայնագիրի ստորագրութեան լոյսին տակ, լիբանանեան բանակին յանձնուելիք զէնքերուն առաջին մասնաբաժինը 2015ի առաջին կիսուն պիտի հասնի Լիբանան:
Միւս կողմէ, Ֆրանսայի արտաքին գործոց նախարար Լորան Ֆապիւս դրուատեց սէուտական եւ ֆրանսական կողմերուն միջեւ լիբանանեան բանակի օժանդակութեան համաձայնագիրի ստորագրութիւնը՝ նշելով, որ այդ օժանդակութիւնը «կը միտի հզօրացնել լիբանանեան բանակը, որ Լիբանանի միասնականութեան եւ կայունութեան երաշխիքն է»:
Ֆապիւս նշեց նաեւ, որ բանակին տրամադրուելիք զէնքն ու զինամթերքը պիտի օժանդակեն անոր՝ պատերազմելու համար Լիբանանին սպառնացող ահաբեկչութեան դէմ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
