By Asbarez | Thursday, 11 December 2014
Ֆրանսայի «Նոր Յառաջ» թերթին հետ կայացած հարազրոյցի մը ընթացքին, Սպանիոյ եւ Փորթուկալի հայրապետական պատուիրակի ընդհանուր փոխանորդ Սասուն վրդ. Զմրուխտեան յայտնած է, որ, ըստ Հայաստանի դեսպանատան փոխանցած տեղեկութիւններուն, Սպանիոյ զանազան քաղաքներուն մէջ 35էն 40 հազար հայեր կ՛ապրին:
Ան աւելցուցած է, որ հայերը ընդհանրապէս հաստատուած են Մատրիտի, Պարսելոնայի եւ Վալենսիոյ մէջ: Հայ համայնքներ կան նաեւ ծովափնեայ քաղաքներուն մէջ, ինչպէս՝ Մալակա, Մարպելլա, Անտալուզիա, Սեւիլլա, Կրանատա եւ այլուր:
Հայաստանէն արտագաղթած հայերուն մեծ մասը բանուորական կամ շինարարական աշխատանքով կը զբաղի: Համայնքը տակաւին եկեղեցի չունի, սակայն ժամանակաւոր ծխական խորհուրդներ կը գործեն մեծ քաղաքներուն մէջ, ուր կը գործեն նաեւ հայկական կիրակնօրեայ վարժարաններ:
Սասուն վրդ. Զմրուխտեան հարցազրոյցի աւարտին իր մտահոգութիւնը յայտնելով՝ կ՛եզրակացնէ. «Արտագաղթի պատճառով մեծաթիւ նոր Սփիւռք մը գոյացած է, որուն նկատմամբ ընդհանուր անտարբերութիւն մը կը տիրէ: Յիշենք՝ Սերպիան, Փորթուկալը, Հոլանտան, ուր հայաստանցիներէ կազմուած Նոր Սփիւռքը ցաք ու ցրիւ կերպով կը յարատեւէ: Պէտք է տէր կանգնիլ անոնց, քանի որ անոնք, ի միջի այլոց, վարժուած չեն համայնքային կեանքին եւ ամէն ոք իր գլխուն ճարին կը նայի»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ