By Asbarez | Monday, 15 December 2014
ԼՈՍ ԱՆՃԵԼԸՍ.- Աշխարհի տարածքին կրթական գործունէութիւն մշակող ամերիկեան «Facing History and Ourselves» (դիմակայել պատմութիւնն ու մենք զմեզ) կազմակերպութիւնը, Հայկական Ցեղասպանութեան հարիւրամեակին առիթով որոշած է իրականացել հնգօրեայ համացանցային աշխատանիստ մը։
Յառաջիկայ տարուան Յունուար 26-30 կայանալիք «The Armenian Genocide and International Justice» (Հայկական Ցեղասպանութիւնն ու միջազգային արդարութիւնը) խորագրուած սոյն աշխատանիստին նպատակն է քաջալերել ուսուցիչները, որ պատմական այս ահաւոր իրադարձութիւնը լուսարձակի տակ առնեն՝ հարց տալով, թէ միջազգային համայնքը ինչպիսի՞ պարտաւորութեանց տակ կը գտնուի, երբ նման զանգուածային ոճիրներ տեղի կ՛ուենան։
«Հայկական Ցեղասպանութիւնը կարեւոր անկիւնադարձային իրադարձութիւն մըն է ցեղասպանութեան կանխարգիլման, միջազգային օրէնքի եւ մարդկային իրաւանց պատմութիւններուն համար։ Ռաֆայէլ Լեմքին «ցեղասպանութիւն» բառը հնարած է նկարագրելու համար Օսմանեան կայսրութեան իշխանութեանց կողմէ հայերուն դէմ իրականացուած սպանդներու արշաւը։ Աշխատանիստը պիտի քննէ 20րդ եւ 21րդ դարերու գլխաւոր մարտահրաւէրները՝ ցեղասպանութեան կանխարգիլումը, ազգայնականութեան վտանգները, գերիշխանութեան սահմանները, ցեղասպանութենէ ետք արդարութեան ապահովումը եւ միջազգային օրէնքի դերակատարութիւնը», գրուած է աշխատանիստի ծանուցման մէջ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ