«Սա ազգային ցաւ է». Արտաշատի մէջ թաղեցին նահատակ Կարէն Գրիգորեանը

By Asbarez | Monday, 05 January 2015

ԵՐԵՒԱՆ, «Նիուզ».– Արցախի պաշտպանութեան բանակի հարաւային եւ արեւելեան ուղղութիւններով 2-3 Յունուարին ատրպէյճանական կողմէ ձեռնարկուած ներթափանցման գործողութեան իբրեւ հետեւանք զոհուած Կարէն Գրիգորեան ընտանիքի միակ արու զաւակն էր: Կարէն Գրիգորեանի յուղարկաւորութեան արարողութիւնը տեղի ունեցաւ 5 Յունուարին՝ զինուորական կարգով, Արտաշատի գերեզմանատան մէջ: 14 Յունուարին ան պիտի դառնար 21 տարեկան:
Անոր դրացիները «Նիուզ»ի հետ ունեցած զրոյցին ընթացքին յայտնած են, որ Կարէնի ընտանիքը ընկերային–տնտեսական ծանր վիճակի մէջ կ՛ապրի։
«Սա ազգային ցաւ է, մի քոյր ունի, մեծն ինքն էր: Ընտանիքը սոցիալական վատ դրութեան մէջ է: Իրանց յոյսը էս երեխէն էր: Ծնողներն էլ առողջութիւն չունեն:

Ծնողներին օգնում էր այգին մշակել: Անասուն էին պահում, կով ունէին: Պապու թոշակով, իրենց նպաստով մի կերպ էին ծերը ծերին հասցնում, բայց երկու տարի առաջ պապը մահացաւ, նպաստ էլ չէին ստանում», յայտնած է դրացիներէն մէկը:

Անոնք պատմած են, որ նախորդ օրը Կարէնի հոգեհանգիստին ներկայ եղած են նաեւ Հայաստանի վարչապետ Յովիկ Աբրահամեանը եւ պաշտպանութեան նախարար Սէյրան Օհանեանը, որոնք ընտանիքին յանձնած են Կարէնի՝ յետմահու ստացած «Մարտական ծառայութիւն» մետալը:

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ